То соати 18:00-и рӯзи 10-уми октябр ба ситоди номзади пешбаришуда ба мансаби президентӣ аз ҲНИТ Ойниҳол Бобоназарова муяссар шуд, ки ҳамагӣ 201 ҳазору 236 имзо ҷамъоварӣ намояд. Дар ин бора зимни нишасти хабарӣ номзади пешбаришуда ба мансаби президентӣ Ойниҳол Бобоназарова хабар дод.
Тавре хабар дода шуда буд, дирӯз, 10-уми октябр соати 18:00 муҳлати расмии муқарраршуда барои пешниҳоди имзоҳо ба КМИР ба ҷонибдории номзадҳо ба итмом мерасид. Шоми рӯзи панҷшанбе КМИР ба ситоди пешазинтихоботии Бобоназарова иҷозат дод, ки рӯйхати имзоҳоро то субҳи имрӯз пешниҳод намоянд.
Имрӯз дар ҷамъи журналистон номзад аз ҲНИТ изҳор кард, ки «ҳарчи бошад ҳам, таҳти чунин фишор 210 ҳазору 236 адад имзо ҷамъоварӣ кардан ин худ як комёбӣ аст».
«Ба назарам чунин мерасад, ки дар ин маъракаи пешазинтихоботӣ рақиби ман на Раҳмон, балки тамоми ҳокимияти давлатӣ аст. Ман огаҳ будам, ки ин кори душвор аст, вале фикр намекардам, ки ин қадр монеъаву мушкилӣ эҷод мешавад», - гуфт ӯ.
Тавре Бобоназарова зикр кард, «шурӯъ аз бандномкунии ҲНИТ тавассути телевизионҳои давлатӣ ва сипас то ба дарозо кашидани тасдиқи варақаҳои ҷамъоварии имзоҳо аз ҷониби раисони шаҳру навоҳӣ монеъаҳои зиёд эҷод шуданд ва ҳамаи ин кори ҷамъоварии имзоҳо барои моро хеле мушкил намуд».
Субҳи имрӯз КМИР ҶТ хабар дод, ки ба номзади пешбаришуда аз ҲНИТ муяссар нашуд, ки 210 ҳазор миқдори зарурии имзоҳоро ҷамъоварӣ намояд ва ӯ аз маъракаи пешазинтихоботӣ хориҷ карда мешавад.
Ҳамин тариқ, айни замон аз 7 номзади пешбаришудаи аҳзоб ба мақоми президенти Тоҷикистон 6 нафар ба қайд гирифта шуданд. Инҳо президенти амалкунандаи ҷумҳурӣ Эмомалӣ Раҳмон, намояндаи Ҳизби аграрӣ академик Толиббек Бухориев, раиси Ҳизби ислоҳоти иқтисодӣ Олимҷон Бобоев, муовини раиси Ҳизби коммунист Исмоил Талбаков, раиси Ҳизби сотсиалистӣ Абдуҳалим Ғаффоров ва раиси Ҳизби демократии Тоҷикистон Саидҷаъфар Исмонов мебошанд.
Дар “Россотрудничество”-и Тоҷикистон роҳбари нав таъин шуд
КҲФ аз омадани сел ва обуҳавои номусоид огоҳ мекунад
“Мансаби падар набояд пуштибони писар шавад!”. Дар латукӯби омӯзгорон дар мактабҳо кӣ гунаҳкор аст?
Рустами Эмомалӣ дар ҷаласаи Ассамблеяи парлумонии СААД дар Алмато иштирок мекунад
Дастаи Умарбоев ба Лигаи конфронс роҳ ёфта, Ханонов боз қаҳрамони Эрон шуд
Ҳамлаи малах. Кишоварзон дар ҷануби Тоҷикистон нигаронӣ доранд
Теъдоди муҳоҷироне, ки имтиҳони забони русиро супорида натавонистанд, 10 баробар афзуд
Волидони духтарони яке аз мактабҳои Душанбе барои муноқиша ҷарима мешаванд
Ҳамгироии собиқ террористону экстремистон бо ҷомеа. Дар Тоҷикистон мехоҳанд барномаи махсус қабул кунанд
Парвандаи амали террористӣ дар “Крокус”: 1700 нафар ҷабрдида эътироф шуданд
Кулли ахбор
Авторизуйтесь, пожалуйста