Саид Ёқубзод раиси ноҳияи Абдураҳмони Ҷомӣ, ки дар ду нишасти хабарӣ дар соли равон аз қарздории ширкатҳои Алимардонов хабар дода буд, имрӯз аз вазифа озод шуд.
Як манбаъ дар мақомоти иҷроияи ҳокимияти давлатии ноҳияи Абдураҳмони Ҷомӣ ба “Asia-Plus” хабар дод, ки айни замон фаъолони ноҳия дар толори мақомоти иҷроияи ҳокимияти давлатӣ ҷамъ карда шудаанд ва интизори муарифии раиси нав ҳастанд. Ин манбаъ ҳамчунин гуфт, ки ба ҷойи Саид Ёқубзод муовини аввали раиси ноҳия Сафар Раҳимзода иҷрокунандаи раиси ноҳияи Абдураҳмони Ҷомӣ таъин карда шудааст.
Бояд гуфт, ки Саид Ёқубзод 5 майи соли 2019 ба вазифаи раиси ноҳияи Абдураҳмони Ҷомӣ таъин шуда буд.
Ҳамчунин як манбаъ аз мақоимоти иҷрояи ҳокимияти давлатии ноҳияи Хуросон хабар дод, ки Раҳматулло Сафарзода, раиси ин ноҳия низ аз вазифа озод шудааст. Ба ҷои ӯ муовини аввали раис Илҳом Аҳмадзода иҷрокунандаи вазифаи раиси ноҳия таъин карда шудааст.
Ғайр аз ин ба вазифаи и.в раиси шаҳри Норак, ки раиси акунун собиқи шаҳр Маликшо Неъматзода дирӯз раиси Федератсияи иттифоқҳои касабаи мустақил интихоб шуд, Дилшод Асозода таъин гардид.
Ёдовар мешавем, ки Саид Ёқубзод дар нишастҳои хабариаш аввалин шуда аз напардохтани андозҳо аз ҷониби ширкатҳои Муродалӣ Алмиардонов ба хабарнигорон хабар дод, ки дар ҷомеъа вокунишҳои тундеро ба бор овард.
Ҳамчунин тибқи хабарҳои расида Абдухолиқ Холиқзода ба ҷойи Ислом Зиёзода раиси шаҳри Панҷакент ва Ашӯралӣ Ҷалилзода раиси ноҳияи Деваштичи вилояти Суғд таъин шудаанд. Раиси пешини ноҳияи деваштич Сулаймон Зиёзода дар кобинаи нави Ҳукумати Тоҷикистон вазири кишоварзӣ таъин шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Сарбозшикор”. Чӣ бояд кард, агар “облава” шудед?
Роҳе, ки се моҳ пеш аз “киса”-и муҳоҷирону сокинон сохта шуд, қисман хароб гардидааст
Боздошти як мард бо гумони латукӯби ҳамсари додараш, ки ба марг оварда расонид
БОР дар ду соли наздик рушди устувори иқтисоди Тоҷикистонро пешгӯӣ мекунад
Чаро нархи истифодаи барқ дар Тоҷикистон доимо боло меравад?
Дар “Dushanbe Grand Slam-2025” 36 ҷудокори тоҷик ширкат мекунанд. Онҳо киҳоянд?
“Парасту-2025”: Кай ва дар куҷо кадом намоишнома ба саҳна гузошта мешавад?
Шиносоии сарвазири Тоҷикистон аз сохтмони иншооти ҷашнӣ дар Хатлон
Дар пайи фаромадани тарма дар Рӯшон роҳи Душанбе-Хоруғ муваққатан баста аст
“Шаш касро аз коми оташ наҷот доданд”. Ҷузъиёти сӯхтор дар маркази Душанбе
Кулли ахбор
Авторизуйтесь, пожалуйста