Душанбе. 11-уми июл. ОИ «Азия-Плюс» - Субҳи имрӯз президенти Латвия Валдис Затлерс бо сафари кории серӯза вориди Тоҷикистон шуд.
Чӣ тавре ки ба ОИ «Азия-Плюс» роҳбари департаменти иттилооти Вазорати умури хориҷии ҶТ иттилоъ дод, дар чаҳорчӯбаи сафар имрӯз дар Кохи Миллат гуфтушуниди сарвари давлати Тоҷикистон Эмомалӣ Раҳмон ва Валдис Затлерс ба нақша гирифта шуда, аз рӯи натиҷаҳои он имзои як силсила асноди ҳамкории дуҷониба дар назар аст.
Дар ҳайати Латвия ҳамчунин соҳибкорону тоҷирони ин кишвар низ ба Тоҷикистон ташриф оварданд, ки дар кори ҳамоиши тиҷоратии ду кишвар ширкат хоҳанд варзид.
Бино ба иттилои манбаъ, боздиди президенти Латвия аз Тоҷикистон нахустин сафари расмиест, ки роҳбари кишварҳои назди соҳили Балтика ба Тоҷикистон пас аз пошхӯрии Иттиҳоди Шӯравӣ анҷом медиҳад.
Аз Вазорати умури хориҷии ҶТ ҳамчунин иттилоъ доданд, ки президенти Латвия аз шаҳри Хуҷанд низ боздид хоҳад кард.
Ёдрас мекунем, ки моҳи феврали соли ҷорӣ сарвари давлати Тоҷикистон ба Латвия сафари давлатӣ анҷом дода, аз рӯи натоиҷи он як силсила асноди дуҷониба, аз ҷумла, созишномаҳои байниҳукуматӣ оид ба канорагирӣ аз андозбандии дукарата ва пешгирӣ намудани саркашӣ аз супоридани андозҳо аз даромад ва сармоя, дар бораи алоқаи ҳавоӣ, ёддошти ҳамкорӣ миёни вазоратҳои умури хориҷии кишварҳо ва созишнома миёни палатаҳои савдову саноати Тоҷикистону Латвия ба тасвиб расида буданд.
Вазири корҳои хориҷии Тоҷикистон сафири ИМА-ро ба ҳузур пазируфт
“Сомон Эйр” аз Хуҷанд ба Урумчӣ хатсайри мустақим роҳандозӣ мекунад
Огоҳии КҲФ аз обуҳавои номусоиди рӯзҳои наздик
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Сайфулло Маҳкамов, рӯзноманигори тоҷикро дар зодгоҳаш ба хок супориданд
Рамазон Раҳимзода бо Якоб Схермерс истирдоди шахсони дар ҷустуҷӯ қарордоштаро баррасӣ кардааст
Чупик: "Аз пайи тоҷикон шаҳрвандони Ӯзбекистону Қирғизистонро ҳам ба Русия роҳ намедиҳанд"
Пуштибони Муъмину Лоиқу Бозор. Мирзо Турсунзода ва нақши ӯ дар адабиёт ва тарбияи истеъдодҳо
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
Кулли ахбор
Авторизуйтесь, пожалуйста