Рӯзи ҷумъаи оянда, 16-уми декабр, дар ҷаласаи навбатии иҷлосияи Маҷлиси намояндагони Маҷлиси Олии ҶТ даъвати чорум тағйироту иловаҳо ба Кодексҳои андозу гумрук баррасӣ мешаванд.
Имрӯз таҳти раёсати раиси палатаи поёнии парлумони кишвар Шукурҷон Зуҳуров ҷаласаи Шӯрои МН МО ҶТ доир гардид, ки дар он дар баробари тағйироту илова ба кодексҳои зикршуда, ҳамчунин оиҳаи тағийроту иловаҳо ба Қонунҳои ҶТ «Дар бораи буҷети давлатӣ барои соли 2011», «Дар бораи стандартизатсия», «Дар бораи милитсия», «Дар бораи муроҷиати шаҳрвандон», «Дар бораи худидоракунии шаҳрак ва ҷамоат» низ баррасӣ шуданд.
Тавре ба ОИ «Азия-Плюс» аз хадамоти матбуоти палатаи поёнии парлумони кишвар хабар доданд, дар ҷаласаи мазкур ҳисоботи раиси Кумиати қонунгузорӣ ва ҳуқуқи инсон Маҳмадалӣ Ватанов дар бораи сафараш ба шаҳри Санкт-Петрбурги Русия низ шунида хоҳад шуд.
Ёдрас мекунем, ки Маҳмадалӣ Ватанов бо супориши раиси МН МО ҶТ Шукурҷон Зуҳуров ҷиҳати аз наздик ошно гардидан бо ҷараёни тафтишоти қатли ваҳшиёнаи шаҳрванди Тоҷикистон Бахтиёр Расулов ба шаҳри Санкт-Петербург сафарбар шуда буд.
Қобили зикр аст, ки ахири моҳи ноябр зимни ифтитоҳи ҷаласаи навбатии Маҷлиси намояндагони Маҷлиси Олии ҶТ раиси палатаи поёнии парлумони кишвар Шукурҷон Зуҳуров нисбат ба қазияи қатли ваҳшиёнаи шаҳрванди тоҷик Бахтиёр Расулов дар шаҳри Санкт-Петербург изҳори назар карда, ин ҷиноятро қотеъона маҳкум намуда буд.
«Ин ҳодисаи аввалин нест, ки дар қаламрави Русия нисбати тоҷикон ба ин монанд ҷиноёти мудҳишу бераҳмона содир карда мешавад. «Мо аз мақомоти қудратӣ ва ҳифзи ҳуқуқи Русия талаб менамоем, ки дар кори ҳифзи ҳуқуқ ва озодиҳои шаҳрвандони Тоҷикистон чораҳои ҷиддиву амалӣ ва муассир андешида шавад», - иброз дошта буд вай.
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Мулоқоти Сироҷиддин Муҳриддин бо Сафири Арабистони Саудӣ
Мақомоти Тоҷикистон барои расидагӣ ба мушкили муҳоҷирон ба фурудгоҳҳо рафтанд
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Кулли ахбор
Авторизуйтесь, пожалуйста