Нахуствазири Тоҷикистон Қоҳир Расулзода субҳи имрӯз ҷиҳати иштирок дар кори ҷаласаи навбатии Шӯрои нахуствазирони кишварҳои узви Иттиҳоди Давлатҳои Мустақил ба пойтахти Беларус – шаҳри Минск раҳсипор шуд. Дар ин бора ба «Азия-Плюс» як манбаъ аз ҳукумати ҷумҳурӣ иттилоъ дод.
Тибқи маълумоти Кумитаи иҷроияи ИДМ, дар ҷаласаи навбатии нахуствазирони кишварҳои узви ИДМ, ки рӯзи 30-юми май доир мегардад, баррасии беш аз 20 лоиҳаи санадҳо оид ба самтҳои гуногуни ҳамкорӣ дар назар аст.
Ба иттилои манбаъ, аз ҷумла ҷараёни иҷрои Барномаи байнидавлатии ҳамкории инноватсионии кишварҳо дар соли 2013 ва дар давраи то соли 2020 ва Маҷмӯи чорабиниҳо барои солҳои 2012-2014 мавриди таҳлил қарор мегиранд.
Гуфта мешавад, ҳамчунин имзои созишномаи танзими ҳамкориҳо дар соҳаи табодули байнидавлатии маълумоти илмӣ-техникӣ ва ҳамкории мутақобилаи иттилоотии кишварҳои узви ИДМ дар бахши таъмини амнияти нақлиётӣ низ тарҳрезӣ шудааст.
Зимнан зикр мегардад, ки дар ҷаласа ҳамчуни атрофи тадбирҳои рушди ҳамкориҳо дар бахши радионавигатсия ва гидрометеорология дар солҳои наздик, масъалаҳои ҳамкориҳо дар соҳаҳои, варзиш, тандурустӣ ва дигар масъалаҳои мавриди таваҷҷуҳи ҷонибҳо табодули назар сурат хоҳад гирифт.
Имкони охирини боксиёни тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Як додраси тоҷик ба гирифтани қариб 129 ҳазор сомонӣ пора муттаҳам дониста мешавад
Нақшаи даъвати баҳорӣ 90% иҷро шуд. Кадом вилоятҳо нақшаро комил карданд?
Кристалина Георгиева: “Таассуротамон аз Тоҷикистон хеле мусбат аст”
Шаби эҷодии Ҳошим Гадо дар Душанбе бидуни ҳузури худаш гузашт
Нархи сӯзишвории дизелӣ дар Осиёи Марказӣ ва кишварҳои собиқи Иттиҳоди Шӯравӣ
Кулли ахбор
Авторизуйтесь, пожалуйста