Президенти Тоҷикистон Эмомалӣ Раҳмон имрӯз дар Данғара марҳилаи дуюми корхонаи “Фарм Теск”-ро ба истифода дод, ки ба истеҳсоли маҳсулоти тайёри гуногуни тиббии гигиенӣ ва косметологӣ, инчунин лавозимоти шахсии гигиенӣ машғул аст.
Бино ба иттилои хадамоти матбуоти сарвари давлат, “Фарм Текс”, ки аз ҷониби соҳибкорӣ маҳаллӣ бунёд гардидааст, дар умум 13 номгӯйи маҳсулот истеҳсол мекунад.
Сехи истеҳсолии корхона бо технологияи пешрафтаи ҷаҳонӣ муҷаҳҳаз ва бо истифода аз он маҳсулоти аълосифати ивазкунандаи воридот истеҳсол карда мешавад.
Дар марҳилаи дуюми корхона истеҳсоли бинтҳои тиббӣ аз пахтаи гигроскопии сафедкардашуда, ба роҳ монда шудааст. Тибқи нишондодҳои лоиҳавӣ, иқтидори истеҳсолии корхона то 5 миллион адад бинтҳои докагии пахтагин, салфеткаҳои пахтагин ва тиббии тамизшуда бо риштаи дар нурҳои рентгенӣ маълумшавандаро ташкил медиҳад.
Бо оғози фаъолияти коргоҳи “Фарм Текс” маводи тиббӣ аз қабили бинтҳои пахтагин, сачоқҳо ва дигар маводи тиббӣ дар дохили кишвар истеҳсол карда шуда, талаботи аҳолӣ ба чунин молҳо аз ҳисоби истеҳсолкунандагони ватанӣ таъмин мегардад.
Корхонаи навтаъсис имконият дорад, ки маҳсулоти бо сифати баланд ва ба саломатӣ безарарро истеҳсол карда, на танҳо маҳсулоти ивазкунандаи воридот, балки ба содирот нигаронидашударо ба бозорҳои дохилу хориҷ пешниҳод намояд.
Бо мақсади васеъ намудани доираи фаъолияти корхона, таъсис додани ҷойҳои навӣ корӣ ва дар маҷмуъ зиёд намудани ҳаҷми истеҳсолот коргоҳи дӯзандагӣ низ таъсис дода шуда, барои 50 нафар ҷойи корӣ фароҳам оварда шуд. Коргарони коргоҳи дӯзандагиро асосан занону духтарони хонашин ташкил медиҳанд. Дар ин коргоҳ курпаҳои пахтагӣ, курпачаҳо ва рахти хоб истеҳсол карда мешавад, ки дорои сифати хуб мебошанд.
Ёдрас мекунем, ки сафари кории худро ба вилояти Хатлон Сарвари давлат рӯзи 28 май аз ноҳияи Ҷайҳун оғоз кард.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Кулли ахбор
Авторизуйтесь, пожалуйста