Ҳукумати Тоҷикистон дар бораи Тартиби пардохти ҷубронпулӣ ба шаҳрвандоне, ки корашон ба сирри давлатӣ алоқманд аст, қарор қабул кард.
“Ҷубронпулии ҳармоҳа ба маоши вазифавӣ (ставкаи тарифӣ) ба шаҳрвандоне, ки бевосита дар мақоми низоми махфияти мақомоти давлатӣ ва ташкилотҳо фаъолият менамоянд (минбаъд - кормандони мақоми низоми махфият) ва кормандони мақоми ваколатдори давлатӣ оид ба ҳифзи сирри давлатӣ, ки ба маълумоти дорои сирри давлатӣ ба таври доимӣ сарукор доранд, пардохт карда мешавад”, - омадааст дар санади нашршуда дар портали иттилоотии Вазорати адлияи ҷумҳурӣ.
Гуфта мешавад, маблағи фоизи ҷубронпулии моҳона ба маошҳои вазифавии (ставкаҳои тарифии) кормандони мақоми низоми махфият ва кормандони мақоми ваколатдори давлатӣ оид ба ҳифзи сирри давлатӣ дар як моҳ 15 фоиз муқаррар карда мешавад.
“Ҷубронпулии моҳона аз рӯзи таъин гардидани шаҳрванд ба мансаби дахлдор дар мақоми низоми махфият, мақоми ваколатдори давлатӣ ва/ё қабули фармоиш дар бораи ба зиммаи корманд вогузор намудани ҳуқуқу уҳдадориҳои пешбурди коргузории махфӣ аз ҳисоби фонди музди меҳнат тибқи тартиби муқарраргардида пардохт карда мешавад”, - омадааст дар санад.
Ҷубронпулӣ дар ҳолатҳои зерин пардохт мешавад:
- ҳангоми дар рухсатӣ барои нигоҳубини кӯдак қарор доштан;
- ҳангоми таҳсили дарозмуддат;
- ҳангоми вайрон намудани талаботи қонунгузорӣ дар самти ҳифзи сирри давлатӣ ва ҳифзи техникии иттилоот то лаҳзаи бартараф намудани онҳо.
Пардохти ҷубронпулӣ пас аз як рӯзи аз вазифа озод шудан ва қатъ шудани рухсат доштани шарванд ба сирри давлатӣ қатъ карда мешавад.
Ёдрас мекунем, ки чанде пеш ҳукумати Тоҷикистон дастур дод, ки Барномаи давлатии пурзӯр намудани ҳифзи сирри давлатӣ ва ҳифзи техникии иттилоот дар Тоҷикистон барои солҳои 2022-2026 тасдиқ карда шавад.
Барои ин чорабиниҳо то соли 2026 ба сурати умум ҷудо гардидани ҳудуди 15,6 млн сомонӣ (1,5 млн доллар) маблағ пешбинӣ шудааст. Ин маблағҳо аз Буҷети давлатӣ ва “дигар сарчашмаҳо” ҷудо карда мешаванд.
Ҳадафи аслии таҳияи барномаи мазкур тақвияти фаъолияти мақомоти давлатӣ дар соҳаи ҳифзи маълумоти махфӣ ва маълумот бо дастрасии маҳдуд тариқи шабакаҳои техникӣ унвон мешавад.
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Норак Дэвид Кэмеронро бо чӣ мафтун кард?
Байни Тоҷикистону Италия 7 санади ҳамкорӣ ба имзо расид
Тавофуқи Тоҷикистону Ӯзбекистон доир ба гузариши транзитии мошинҳои боркаш бе рухсатнома
Кулли ахбор
Авторизуйтесь, пожалуйста