Душанбе. 23 май. Азия-Плюс — Ахири ҳафтаи гузашта дар Агентии назорати маводи нашъаовари назди президенти Тоҷикистон вохӯрии директори Агентии мазкур Рустам Назаров бо директори дафтари Департаменти давлатии ИМА оид ба назорати маводи мухаддир ва ҳифзи тартиботи ҳуқуқӣ дар Аврупо, Авруосиё ва барномаҳои осиёӣ Дэвид Костеланчик ва ҳамроҳонӣ ӯ доир гардид.
Тавре ба ОИ «Азия-Плюс» аз Маркази робита бо ҷомеаи АНМН иттилоъ доданд, ба ҳайати ИМА дар хусуси чораҳои андешидаи ҳукумати ҷумҳурӣ дар соҳаи назорати маводи нашъаовар, вазъи мубориза бо муомилоти ғариқонунии он дар Тоҷикистон, Афғонистон ва дар минтақа ва ҳамчунин ташкили ҳамкории мутақобила бо мақомоти ҳифзи ҳуқуқи кишварҳои хориҷӣ, аз ҷумла DEA-и ИМА маълумоти муфассал дода шуд.
Ба иттилои сарчашма, директори АНМН зикр намудааст, ки сарфи назар аз тӯлонӣ (беш аз 1300 км) будани масофаи марз бо Афғонистон, Тоҷикистон дар роҳи мубориза бо муомилоти ғайриқонунии маводи мухаддир кӯшишҳои зиёде ба харҷ медиҳад. «Тамоми маводи нашъаовари дар Тоҷикистон мусодирамешуда (героин, афюн ва каннабис) дар Афғонистон истеҳсол гардида, ҳаҷми асосии он тавассути рӯдхонаи марзии Панҷ интиқол дода мешавад», - гуфтааст ӯ.
Дар навбати худ, Дэвид Костеланчик фаъолияти мақомоти ҳифзи ҳуқуқи Тоҷикистонро дар мубориза бо муомилоти ғайриқонунии маводи мухаддир қаноатбахш арзёбӣ намуда, изҳор доштааст, ки Иёлоти Муттаҳидаи Амрико минбаъд низ кӯмакҳои худро ба Тоҷикистон дар амалисозии лоиҳа ва барномаҳои мубориза бо маводи мухаддир идома хоҳад дод.
“Қадаш як ваҷаб аст, автоматро қапида наметавонист”. Сӯҳбати озоди волидони Далерҷон Мирзоев бо хабарнигорон
Дар Тоҷикистон “ҷодугарону муллоҳои тӯмордеҳ”-ро рӯйхат мекунанд
Туркия ба Тоҷикистон барои харидории бесарнишин $1,5 млн ва барои таълими низомиёни тоҷик $62 ҳазор медиҳад
Боздошти капитани милитсия бо 20 ҳазор сомонӣ пора
Дар Тоҷикистон мехоҳанд боз як қонун қабул кунанд. Он ба рушди соҳибкории иҷтимоӣ то куҷо мусоидат мекунад?
ВАО: Сафорати Тоҷикистон дар Русия доир ба тафтиши ҳамла ба “Крокус” изҳори назар намекунад
Муҳаққиқи тоҷик пешниҳод кард, ки 15 апрел Рӯзи Айнӣ эълон шавад
Ҳабси шаҳрванди Тоҷикистон дар Твер ба гумони қайди қалбакии иштирокчиёни парвандаи “Крокус”
Футболбозони ҷавони тоҷик Ҷоми Осиёро бо бохт оғоз карданд
Ҳамаи коргарони “Крокус”-ро ба даст доштан дар амали террористӣ месанҷанд
Кулли ахбор
Авторизуйтесь, пожалуйста