Душанбе. 24-уми май. «Азия-Плюс» – Ҳаракати «Толибон» расман марги пешвои худ – Мулло Муҳаммад Умарро рад кард.
Бино ба иттилои Associated Press, як намояндаи ҳаракат ба ин хабаргузорӣ изҳор доштааст, ки овозаҳо дар бораи марги Мулло Умар як «таблиғоте» буда, ӯ зиндаву саломат дар Афғонистон ба сар мебарад.
Доир ба марги пешвои ҳаракати «Толибон» дар таърихи 23-уми майи соли равон шабакаи телевизионии «Тулӯъ»-и Афғонистон хабар дода буд. Нашрияи Pak Tribune навишта буд, ки Мулло Умар дар таърихи 21-уми май ҳангоми ҳаракат аз шаҳри Кувета ба музофоти Вазиристони Шимолии Покистон аз ҷониби нерӯҳои низомии Созмони аҳдномаи Атлантикаи Шимолӣ (НАТО) ба қатл расонида шуд.
Чанде қабл дар робита ба ин масъала раисҷумҳури ИМА Барак Обама дар мусоҳиба ба хабаргузории ВВС изҳор дошт, ки «мо ба соҳибистиқлолии Покистон эҳтироми зиёд дорем, вале агар масъалаи нобуд сохтани пешвои ҳаракати «Толибон» рӯйи кор ояд, маҷбурем ба хоки ин кишвар по гузорем, зеро ба амалӣ сохтани нақшаҳои куштори шаҳрвандони кишвари худ ва муттаҳидонамон роҳ доданӣ нестем».
Иёлоти Муттаҳидаи Амрико Мулло Муҳаммад Умарро дар паноҳ додани Усома бин Лодин ва аъзои гурӯҳи «Ал-Коъида» гунаҳкор мешуморанд. Хабаргузориҳои амрикоӣ қаблан иттилоъ дода буданд, ки ҳукумати ИМА бо ҳаракати «Толибон» бо миёнаравии Олмон фаъолона гуфтушунид дорад, вале маъмурияти Барак Обама аз шарҳи ин матлаб худдорӣ карда буд.
Дар ҳамин ҳол, ҳаракати «Толибон» акнун мустақиман ба Қазоқистон, ки ҳафтаи гузашта лоиҳаи қонун дар бораи ҳамкорӣ бо НАТО ва фиристодани нерӯҳои ҳомии сулҳ ба Афғонистон қарор қабул кард, бо амалҳои террористӣ таҳдид мекунад.
Ҳасрати зан ё шуҳрат? Ҳарзасароӣ дар шоу-бизнеси тоҷик
Корҳои эҷодии суратгир аз Тоҷикистон дар ҳамоиши расонаҳо дар Эрмитаж
Оилаи намунавии Тоҷикистон маълум шуд. Шоҳҷоизаро оилае аз шаҳри Истиқлол соҳиб гардид
Сергей Шойгу дигар вазири мудофиаи Русия нест. Путин ӯро дигарбора ба ин вазифа таъин накард
Ҳалокати ронанда ва 2 мусофир бар асари садамаи нақлиёт дар роҳи Хуҷанд-Конибодом
Ба собиқадорони Ҷанги Бузурги Ватанӣ дар кишварҳои Осиёи Марказӣ чӣ қадар кумакпулӣ пардохт гардид?
Ҷудокори тоҷик Темур Раҳимов дар Қазоқистон ҳам медали нуқра ба даст овард
Тоҷике, ки автобуси зери идорааш ба дарё сарозер шуд, барои нақзи қонунгузории муҳоҷирати Русия айбдор мешавад
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Кулли ахбор
Авторизуйтесь, пожалуйста