Ба муносибати солгарди навбатии таъсиси Гвардияи миллии Тоҷикистон имрӯз, 13-уми октябр бо иштироки сарвари давлат Эмомалӣ Раҳмон дар шаҳри Душанбе гузашти низомӣ доир мегардад.

Тавре ба «Азия-Плюс» як манбаъ аз сохторҳои қудратии ҷумҳурӣ хабар дод, дар гузашти низомӣ, ки дар маркази таълимии Гвардияи миллӣ баргузор мешавад, беш аз 4 ҳазор нафар сарбозону афсарон ширкат меварзанд.

Ба иттилои мнабаъ, дар гузашт ба ҷуз сарбозону афсарони Гвардияи миллӣ, ҳамчунин ҷузъу томҳои ҷудогонаи ВКД, Вазорати мудофиа, нерӯҳои марзбонӣ ва дигар сохторҳои қудратии кишвар низ иштирок мекунанд.

Қобили зикр аст, ки Гвардияи миллии Тоҷикистон, ки қаблан Гвардияи президентӣ ном дошт, моҳи сентябри соли 1995 таъсис дода шуд. Моҳи январи соли 2004 Гвардияи президентӣ ьа Гвардияи миллӣ табдили ном кард.