Рӯзи 2-юми январ бар асари фаромадани тарма дар километрҳои 55, 62 ва 73-и шоҳроҳи Душанбе-Хуҷанд ҳаракати воситаҳои нақлиёт муваққатан қатъ шуда буд.
Тавре ба “Азия-Плюс” сардори маркази матбуоти Кумитаи ҳолатҳои фавқулода ва мудофиаи граждании назди ҳукумати Тоҷикистон Умеда Юсуфӣ хабар дод, ин роҳ то ҳол баста мебошад.
Вай афзуд, ки дар қитъаҳои зикршудаи роҳ тармаҳои зиёд фаромада, дар дигар қитъаҳо низ хавфи фаромадани он вуҷуд дорад.
Бо қарори муштараки Раёсати БДА ВКД, Кумитаи ҳолатҳои фавқулодда ва Вазорати нақлиёт, ҳаракати ҳама гуна воситаҳои нақлиёт муваққатан боздошта шуд. Корҳои тозакунии роҳ аз тарма ва барфи зиёд идома доранд.
“Кормандони Кумита ва филиали ширкати IRS, ки дар ҳолати хуби коршоям нигоҳ доштани ин роҳ ба зиммаи он вогузор шудааст, 2-юми январ наздики 150 нафар мусофирону ронандагони байни тармаҳо дармондаро ба ҷойи бехавф кӯчониданд”, - иброз дошт Юсуфӣ.
Ба гуфтаи номбурда, онҳое, ки ба ҷойи бехавф кӯчонида шуданд, бо хӯроки гарм ва кумаки тиббӣ таъмин гаштанд.
“Дар бораи кушодани роҳ ва барқарор шудани ҳаракати воситаҳои нақлиёт тариқи ВАО хабар дода мешавад”, - изҳор дошт Юсуфӣ.
Кумитаи ҳолатҳои фавқулода ҳанӯз 31-уми январ дар бораи эҳтимоли фаромадани тармаҳо дар ағбаҳои Тоҷикистон огоҳӣ ба нашр расонида буд. Кумита боисрор аз аҳолӣ даъват ба амал оварда буд, ки аз сафарҳои безарурат ба минтақаҳои хавфнок худдорӣ намоянд ва ҳангоми ҳаракат дар роҳҳои кӯҳӣ ва ё роҳҳое, ки хатари лағзиши тарма доранд, масофаро ҷиддан риоя кунанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Мулоқоти Сироҷиддин Муҳриддин бо Сафири Арабистони Саудӣ
Мақомоти Тоҷикистон барои расидагӣ ба мушкили муҳоҷирон ба фурудгоҳҳо рафтанд
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Кулли ахбор
Авторизуйтесь, пожалуйста