Душанбе. 27-уми май. «Азия-Плюс» — | Дар доираи табиқи барномаи «Ҷаҳони боз» ҳайати 30-нафараи Тоҷикистон, ки аз намояндагони сохторҳои давлатӣ ва созмону ҷамъиятҳои ҷомеаи шаҳрвандиӣ иборат буд, бо мақсади беҳбуди қобилияту малакаҳои худ аз Иёлоти Муттаҳидаи Амрико боздид намуд.
Зимни брифинги матбуотӣ ҳамоҳангсоз оид ба умури барномаҳои омӯзишии ИМА дар Тоҷикистон Шафоат Қобилова изҳор дошт, ки сафари ҳайат аз 12 то 24-уми майи соли ҷорӣ идома ёфта, ҳайат мутобиқи мавзӯъ ба гурӯҳҳои «Таҳкими худидоракунии маҳаллӣ», «Гуногунсозии бахши кишоварзӣ» ва «Туризми экологӣ» тақсим карда шуда буд. «Ҳар яке аз аъзои ҳайат бевосита бо тарзи ҳаёти воқеъии амрикоиҳо аз наздик ошно гардида, дар масоили гуногун бо онҳо табодули афкор намуд», - иброз дошт ӯ.
Шафоат Қобилова мегӯяд, Департаменти давлатии ИМА ҷиҳати рушди касбии хатмкунандагони барнома як қатор имконоту захираҳо пешниҳод менамояд. «Ба хатмкардагони барномаи «Ҷаҳони боз» соли дуввум аст, ки дар шакли қарзҳои хурд 125 ҳазор доллари ИМА (3-5 ҳазорӣ барои ҳар яке) ҷудо карда мешавад, то ки онҳо андешаву ниятҳои тозаи аз сафар ба ИМА ҳосилкардаашонро амалӣ созанд ва ин маблағҳо барои ҳалли мушкилоти глобалӣ пешбинӣ нагардида, танҳо тамоили иҷтимоӣ доранд», - афзуд номбурда.
Қобили зикр аст, ки барномаи «Чаҳони боз» ягона барномаи табодул дар дохили риштаи қонунгузории ҳокимияти ИМА маҳсуб ёфта, ҳамасола аз ҷониби Когресси ИМА маблағгузорӣ мегардад. Барнома соли 1999 аз ҷониби Конгресси ИМА бо ташаббуси ду олими маъруф ва арбоби намоёни ҷамъиятӣ – академик Дмитрий Лихачёв ва директори китобхонаи Конгресси ИМА Ҷеймс Биллингтон таъсис дода шуд.
Нақшаи даъвати ҳарбӣ 70% иҷро шуд. “Облава” аз байн рафт?
Дар Суғд куҳансолтарин дарахтонро рӯйхат мекунанд
Тамокукашӣ ва вазни зиёдатӣ: чӣ гуна бо одатҳои бад метавон аз саратон пешгирӣ кард?
Даст ба ҷайби мардум? Ва ё чаро ҳизбҳои сиёсӣ набояд аз буҷети давлат маблағгузорӣ шаванд?
Бонки миллии Тоҷикистон ва Бонки марказии Ӯзбекистон созишномаи ҳамкорӣ ба имзо расониданд
Ҳукми қатли Бобаки Занҷонӣ бекор шуд. Ӯ кист ва бо Тоҷикистон чӣ иртибот дорад?
Дар “Хуҷанд” маош намедиҳанд. Посухи сармураббӣ
Тоҷикистон барои шаҳрвандони 25 кишвари дигар низоми раводидро бекор кард
“Аз фурудгоҳ ихроҷ карданд, сабабашро нагуфтанд”. Русия садҳо муҳоҷири тоҷикро ихроҷ кардааст
Сироҷиддин Муҳриддин гуфтааст, изҳороти Сергей Лавров “бо вазъи воқеӣ мувофиқат намекунад”
Кулли ахбор
Авторизуйтесь, пожалуйста