Душанбе. 21-уми июл. «Азия-Плюс» — | Бо мақсади пешгирии тағйирёбии иқлим ва бо дастгирии Хазинаи мутобиқат ба иқлим фаъолияти Хадамоти гидрометереологии Тоҷикистон беҳбуд ва такмил дода мешавад.
Тавре ба ОИ «Азия-Плюс» директори КВД «Гидрометереология»-и Кумитаи ҳифзи муҳити зисти назди ҳукумати ҷумҳурӣ Маҳмад Сафаров хабар дод, Тоҷикистон дар қатори 10 кишвари дигар ба барномаи санҷишии Хазина дохил шуд, ки дар чаҳорчӯби он ҷудо кардани 50 млн. $ маблағ пешбинӣ шудааст. «Дар Тоҷикистон барнома дар самтҳои гуногун амалӣ гардида, ба Кумитаи ҳифзи муҳити зист ҷиҳати беҳбуд бахшидан ба фаъолияти низоми гидрометереологӣ 13 млн. $ ҷудо мегардад», - гуфт вай.
Ба қавли М.Сафаров, мутобиқи асноди баимзорасида, амалисозии барномаи мазкур моҳи сентябри соли равон оғоз гардида, муддати 5 сол идома меёбад. Ба татбики барнома Бонки ҷаҳонӣ, Бонки осиёгии рушд ва Иттиҳоди Аврупо маблағгузорӣ хоҳанд кард.
«Мо умедворем, ки бо амалисозии ин барнома низоми гидрометереологии Тоҷикистон дар дақиқии пешгӯйиҳо, ҷамъоварии маълумоти экологӣ ва масъалаи дастрасии аҳолӣ ба маълумот перомуни экология ва гидрометереология ба дастовардҳо ноил хоҳад гардид», - таъкид сохт номбурда.
М.Сафаров ҳамчунин иброз дошт, ки сатҳи дақиқии пешгӯйиҳои кӯтоҳмуддати хадамоти гидрометереологии Тоҷикистон (барои 2-3 рӯз) 90%-ро ташкил медиҳад.
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Кулли ахбор
Авторизуйтесь, пожалуйста