Хуҷанд. 25-уми июл. «Азия-Плюс» — | Идораҳои васоити ахбори умум ва рӯзноманигорони вилояти Суғд ба бинои нави Кохи матбуот мекӯчанд.
Тавре ба ОИ «Азия-Плюс» директори корхонаи воҳиди давлатии коммуналии «Кохи матбуоти вилояти Суғд Илҳоми Ҷамолиён хабар дод, сохтмони маҷмаа соли 2007 шурӯъ шуда, айни замон корҳои асосӣ дар он ба итмом расидаанд. «Ин бинои 13-ошёна ва яке аз биноҳои баландтарини шаҳри Хуҷанд буда, баландии он 54 метр ва дорои 200 ҳуҷраи корӣ аст», - гуфт ӯ.
Ба гуфтаи вай, дар қисмати таҳхонаи бино ошхона ва се толори конфронс ва дар ошёнаи охирини он боғи зимистона ва майдони азназаргузаронӣ бо дастгоҳҳои оптикӣ ҷойгир хоҳад шуд. «Ҳуҷраҳои корӣ бо тарзи аврупоӣ сохта шуда бо кондитсионерҳои «зимистон-тобистон» муҷаҳҳаз гардидаанд», - иброз дошт И. Ҷамолиён.
Илҳоми Ҷамолиён ҳамчунин гуфт, ҳама ҳуҷраҳои корӣ бо мебели зарурӣ ва интернети беноқил таъмин гардида, чор лифт омодаи кор мешаванд. «Арзиши бино бо тамоми таҷҳизоташ 23 млн. сомонӣ маблағ аз ҳисоби бюҷетро ташкил дода, дар он васоити ахбори умуми давлатӣ ва намояндагони нашриёти хусусиву байнулмилалӣ низ фаъолият карда метавонанд», - изҳор кард ӯ.
Номбурда илова кард, ки дар ин бино ширкатҳои телевизионӣ ҷойгир шуда наметавонанд, зеро барои онҳо шароити махсус зарур аст, вале хабарнигорони шабакаҳои телевизионии шаҳрӣ ва ҷумҳуриявӣ метавонанд дар ин ҷо дафтари корӣ ба иҷора гиранд. «Моҳи сентябр ё пештар аз он рӯзноманигорон ба ин ҷо мекӯчанд», - афзуд И.Ҷамолиён.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста