Кӯлоб. 26-уми июл. «Азия-Плюс» — | Кумитаи минтақавии Ҷамъияти Ҳилоли Аҳмари Кӯлоб миёни аҳолии гирду атрофи тамрингоҳи низомии Момираки ноҳияи Мӯъминободи вилояти Хатлон таҳти унвони «Аз аслиҳаву мина эҳтиёт бош!» як силсила сӯҳбату сӯхбату семинарҳо доир карданист.
Машқгоҳи низомии Момирак аз ҷониби пойгоҳи ҳарбии 201-уми Русия барои баргузории тамринҳои низомӣ истифода мешавад. Чанде қабл, рӯзи 12-уми июл дар машқгоҳҳои низомии Лоҳур ва Момирак тамрингоҳои низомии як қатор ҷузъу томҳои пойгоҳи 201-уми низомӣ оғоз гардиданд.
Таввре ба ОИ «Азия-Плюс» мудири иҷроияи кумита Зайниддин Олимов хабар дод, машқгоҳ натанҳо панҷара, балки сарҳади мушаххасе ҳам надошта, тирпаррониҳои омӯзишӣ тез-тез баргузор мешаванд ва силоҳҳои натаркида ба масофаҳои дури гирду атроф омада мерасанд.
«Дар замини кишти гандум ва чарогоҳҳо на ҳамеша метавон силоҳу минаҳои натаркидаро мушоҳида кард», - гуфт мусоҳиб ва илова кард, ки нияти таҳияи харитаи ҷойҳои эҳтимолии мавҷуд будани онҳоро доранд, то ки аҳолии маҳаллӣ аз онҳо огоҳ бошанд.
Олимов мегӯяд, нигаронӣ атрофи тамриноҳи низомӣ бесабаб нест. «Соли гузашта дар деҳаи наздики машқгоҳи Дараи Оби ноҳияи Шӯрообод аз инфиҷори аслиҳаи натаркида навраси 16-сола Авазхони Салом ба ҳалокат расид. Соли 2006 ҳодисаи ба ин монанд бо Сайусмон Сулаймони 17-сола рух дод. Тайи солҳои ахир бар асари баргузории тирпаррониҳои ҷангӣ 15 манзили зисти сокинони деҳаҳои ноҳияҳои Мӯъминобод ва Шӯрообод осеб диданд», - гуфт ӯ.
Бино ба маълумоти Кумитаи минтақавии Ҷамъияти Ҳилоли Аҳмари ноҳиявӣ, муддати 20 сол дар Шӯрообод бар асари инфиҷори аслиҳа ва минаҳо 26 тан осеб диданд, ки 13 нафари онҳо дар ҷойи ҳодиса ё баъдтар аз ҷароҳати бардошта ба ҳалокат расидаанд.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста