Душанбе. 2-юми август. «Азия-Плюс» — | Нахустин оператори GSM-и Тоҷикистон – Tcell дар моҳи шарифи Рамазон ба муштариёни худ тӯҳфаи гуворое тақдим намуда, аз 1-уми август хизматгузории SMS-тақвими моҳи Рамазон-2011-ро мавриди истифода қарор дод.

Барои насби хизматгузорӣ муштариро лозим аст, ки ба рақами *122# SMS-и холӣ равона созад. Қулай ва мусоид будани хизматгузории мазкур дар он ифода меёбад, ки тақвим ҳамарӯза нав шуда, вобаста ба минтақа дар бораи вақти доштани рӯзаву ифтор маълумот ирсол мегардад.

Ширкати Tcell хизматгузории мазкурро дар тамоми қаламрави Тоҷикистон ба таври ройгон пешкаш менамояд.

Бо истифода аз фурсати муносиб, ширкати Tcell тоҷикистониёнро бо фарорасии моҳи шарифи Рамазон табрик гуфта, ҷонибдори ободиву осудагии рӯзгори ҳар як хонадони тоҷик аст.