- Шурӯъ аз 1-уми август ҳукуматдорони Туркманистон таҳсили шаҳрвандони ҷавони худ дар Тоҷикистон ва дигар кишварҳои минтақаи Осиёи Марказиро манъ карданд, - иттилоъ медиҳад «Хроника Туркменистана».
Бино ба маълумоти оҷонсии интернетии мазкур, «ҷавонони туркманро бидуни ҳеҷ шарҳе аз гузаргоҳи «Фароб»-и ҳаммарз бо Ӯзбекистон ба хонаҳояшон бозпас мегардонанд».
Тавре ба ОИ «Азия-Плюс» ёвари ректори Донишгоҳи омӯзгории Тоҷикистон, Қутбиддин Фатҳуллоев гуфт, айни замон дар ин донишгоҳ беш аз 1600 нафар донишҷӯёни туркман таҳсили илм доранд, аммо соли равон пас аз таътили тобистона шумори бениҳоят ками онҳо ба дарсҳо ҳозир шудаанд.
«Чанде қабл сафорати Туркманистон дар шаҳри Душанбе донишгоҳи моро огоҳ сохт, ки донишҷӯёни туркман ҳатман ба таҳсил ҳозир мешаванд, - гуфт Қ. Фатҳуддинов. – Перомуни бо кадом сабаб манъ кардани таҳсили донишҷӯёни туркман дар кишвари мо чизе маълум нест».
Ба гуфтаи ӯ, дар сурати саривақт барнагаштан ва ҳузур надоштан дар миқдори муайяни машғулиятҳо, онҳо аз донишоҳ хориҷ карда хоҳанд шуд.
Ҳодисаҳои ба ин монанд қаблан ҳам ба вуқӯъ пайваста буданд. Соли 2009 ҳукуматдорони Туркманистон ба таҳсили илми ҳудуди 160 нафар донишҷӯёни туркман дар Донишгоҳи Амрико дар Осиёи Марказӣ, ки дар шаҳри Бишкек воқеъ аст, низ монеъ шуда буданд. Онҳоро ба рӯйхати «хурӯҷашон аз кишвар манъ» шомил гардонида ва танҳо бо гузашти якуним сол ва ба туфайли инъикоси мунтазами ин масъала дар ВАО, инчунин фишори дипломатҳои амрикоӣ ҳукуматдорони Туркманистон ба идомаи таҳсили онҳо дар Булғория ва шаҳри Санкт-Петрбурги Русия иҷозат доданд.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста