Дар асоси супориши Раиси вилояти Суғд Қоҳир Расулзода гурӯҳи кории мақомоти иҷроияи ҳокимияти давлатии вилоят ба деҳаи Сарвақи болои ҷамоати деҳоти Пунуки ноҳияи Ашт сафари корӣ анҷом дод.
Тавре аз хадамоти матбуоти раиси вилояти Суғд иттилоъ доданд, гурӯҳи корӣ таҳти роҳбарии муовини аввали Раиси вилоят Ҷумъабой Сангинов зимни вохӯрӣ бо аҳолии деҳаи Сарвақ оид ба дастовардҳои даврони Истиқлол, шароитҳои мавҷудаи иқтисодию иҷтимоии вилояту ҷумҳурӣ баромад намуда, аҳолиро ба накӯкориву бунёдкорӣ ҳидоят намуданд.
Ба иттилои манбаъ, ба сокинони ноҳия маводи озуқаворию маишӣ, ба монанди 5,5 тонна орд, 550 кг равған, намак, доруворӣ, китоб, дафтар, рӯзномаю маҷаллаҳо ва дару тиреза, ки аз ҷониби Раиси вилоят бахшида ба 20-солагии Истиқлолияти давлатии Ҷумҳурии Тоҷикистон тӯҳфа шудааст, дастрас гардид.
Зимнан зикр гардид, ки муаммоҳое, ки дар деҳаи Сарвақ ҳаст, то имрӯз аз ҷониби масъулин мавриди иҷроиш қарор гирифта, аз ҷумла, мактаби деҳа ба 10 сола иваз карда шуда бо, 2 адад компютер ва лавозимотҳои хониш таъмин карда шуд. Ҳамчунин бинои бунгоҳи тиббии деҳа таъмир шуда истодааст.
Ҳоло дар деҳа муаммоҳои рафту омади аҳолии деҳа ба ноҳияи Ашт, таъмирталаб будани мактаб ва бунгоҳи тиббӣ, дар мағоза набудани маводи хӯрокворӣ, гузаштан аз сарҳади давлатӣ, ворид намудани молу маҳсулоти ҳаррӯза, чаронидани чорво ҷой доранд, ки дар ҳалли саривақтии онҳо мақомоти иҷроияи ҳокимияти давлатии вилоят тадбирҳо амалӣ месозад.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста