Думаи давлатии Русия дар қироати дуюм лоиҳаи қонунеро ба тасвиб расонид, ки дар он ба шаҳрвандони Русия - иштирокчиёни даргириҳои ҷангӣ дар Тоҷикистон додани мақоми собиқадор (ветеран)-и ҷанг пешбинӣ мешавад.
Дар шарҳи лоиҳаи қонуни мазкур узви Кумитаи Думаи давлатии Русия оид ба масоили байнулмилалӣ Наталя Ермакова ба хабаргузории «Росбалт» изҳор кардааст, ки лоиҳаи қонун бо супориши президенти Русия таҳия гардида, «нисбат ба низомиёни Русия – иштирокчиёни даргириҳои ҷангӣ дар Тоҷикистон дар давраҳои аз моҳҳои сентябр то ноябри соли 1992 ва аз моҳи феврали соли 1993 то декабри соли 1997 адолатро барқарор менамояд».
«Дар ҷараёни иҷрои вазифаҳои ҷангӣ низомиён сарбаландона қарзи ҳарбии худро адо карда, мардонагиву ҷасорат ва қаҳрамонӣ зоҳир сохтанд. Аксари онҳо бо мукофотҳои давлатӣ сарфароз гардонида шудаанд», - қайд кардааст Н. Ермакова.
Ба қавли Ермакова, дар сурати қабули қонуни мазкур, он аз 1-уми январи соли 2012 мавриди амал қарор гирифта, нисбат ба 23 ҳазору 520 нафар шаҳрвандон Русия татбиқ хоҳад шуд.
«Бо соҳиб шудан ба мақоми собиқадор иштирокчиёни даргириҳои ҷангӣ дар Тоҷикистон аз имтиёзу кафолатҳои иҷтимоӣ бархӯрдор мегарданд ва бо ин мақсад соли 2012 аз бюҷети давлатии Русия ҷудо кардани 719,1 млн. рубл пешбинӣ шудааст», - афзудааст намояндаи Думаи давлатии Русия.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста