Чанде қабл вохӯрии сардори Хадамоти муҳоҷирати назди ҳукумати ҶТ  Сафиалло Девонаев бо роҳбари Намояндаи Ташкилоти Байналмилалии Муҳоҷират Зейнал Гаджиев дар Ҷумҳурии Тоҷикистон баргузор гардид.

Тавре аз Маркази матбуоти Хадамоти муҳоҷирати назди ҳукумати ҶТ иттилоъ доданд, дар ҷараёни вохӯрӣ оид ба роҳандозии системаи ягонаи автоматикунонидашудаи дурусти баҳисобгирии шумораи муҳоҷирони меҳнатӣ, ки ба хориҷи кишвар сафар мекунанад, ба роҳ монда мешавад. Тарафайн ба мувофиқа расидаанд, ки бо дастгирии Хадамоти муҳоҷират роликҳои омоданамудаи Ташкилоти Байналмилалии Муҳоҷират оиди муҳоҷират тариқи ширкатҳои ҳавопаймоии ҷумҳурӣ, роҳи оҳан ва ВАО ба мардум пешниҳод карда шаванд.

Қайд карда шуд, ки ҳамкорӣ бо сарҳадчиён ҷиҳати муайян намудани шумораи муҳоҷирон ба роҳ монда мешавад.

 Ташкилоти Байналмилалии Муҳоҷират омодагии хешро баҳри пурзӯр намудани фаъолияти Хадамот, расонидани кӯмакҳои техникӣ ва гузаронидани семинар-трейнингҳо барои кормандони Хадамоти муҳоҷират баён дошт.

Дар хотима меҳмонон аз толори тозабунёди конфронс-зали Хадамот дидан намуда, пешниҳод гардид, ки дар оянда тамоми нишастҳо, чорабиниҳо ва конфронсҳои байналмилалӣ дар ин толор баргузор хоҳанд гашт.