Раҳбарияти идораи омори Тоҷикистон ба саҳеҳияти маълумоти мақомоти муҳоҷирати Русия оид ба шумори шаҳрвандони тоҷик дар қаламрави ин кишвар шубҳа мекунад.
Директори Агентии омори назди президенти ҶТ Гулнора Ҳасанзода дар ин робита изҳор намуд, ки бо методикаи русиягии муайян кардани шумори муҳоҷирон розӣ шуда наметавонад. «Мо маълумоти омори Русияро муайян кардем. Тибқи ҳисобу китоби онҳо, вақте шахс ба ин кишвар меояду баъди се моҳ онро тарк мекунад ва боз ворид мешавад, тибқи кортҳои муҳоҷират якчанд нафар шуморида мешавад», - гуфт ӯ.
Гулнора Ҳасанзода бар ин назар аст, ки дар қаламрави Русия ин қадар шумори муҳоҷирони тоҷик, ки дар бораи он маълумоти расмии Русия хабар медиҳад, ҳузур надоранд. «Ин рақамҳои ғайривоқеъианд», - афзуд ӯ.
Бино ба маълумоти Хадамоти федералии муҳоҷирати Русия, ба санаи 5 ноябри соли 2015 дар қаламрави Русия 935 ҳазор шаҳрвандони Тоҷикистон ҳузур доштаанд, ки ҳудуди 775 ҳазор нафарашонро мардон ва 160 ҳазор нафарашонро занон ташкил медодаанд.
Дар муқоиса бо аввали сол (беш аз 999 ҳазор нафар) шумори шаҳрвандони Тоҷикистон дар Русия 64 ҳазор нафар кам шудааст.
Дар ҳамин ҳол, тибқи маълумоти Хадамоти муҳоҷирати Вазорати меҳнат, муҳоҷират ва шуғли аҳолии ҶТ, давоми 8 моҳи соли равон ҳудуди 430 ҳазор нафар шаҳрвандон аз Тоҷикистон ба муҳоҷирати корӣ рафтаанд, ки нисбат ба ҳамин давраи соли гузашта ба андозаи 9,3% ё худ 28 ҳазору 676 нафар камтар аст.
«Коҳиши сатҳи муҳоҷирати корӣ ба вуруди шаҳрвандони хориҷӣ ба Русия тариқи шиносномаҳои хориҷӣ аз 1 январи соли 2015 ва ворид шудани тағйироту иловаҳо ба қонунгузории Русия дар самти фаъолияти муҳоҷирони кории кишварҳои хориҷӣ дар қаламрави ин кишвар марбут аст», - изҳор медоранд дар Хадамоти муҳоҷирати ҷумҳурӣ.
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Сайфулло Маҳкамов, рӯзноманигори тоҷикро дар зодгоҳаш ба хок супориданд
Рамазон Раҳимзода бо Якоб Схермерс истирдоди шахсони дар ҷустуҷӯ қарордоштаро баррасӣ кардааст
Чупик: "Аз пайи тоҷикон шаҳрвандони Ӯзбекистону Қирғизистонро ҳам ба Русия роҳ намедиҳанд"
Пуштибони Муъмину Лоиқу Бозор. Мирзо Турсунзода ва нақши ӯ дар адабиёт ва тарбияи истеъдодҳо
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Кулли ахбор
Авторизуйтесь, пожалуйста