Раиси шаҳри Душанбе Маҳмадсаид Убайдуллоев машварати васеи корӣ баргузор намуд, ки дар он ҷараёни иҷрои нақша ва барномаҳои қабулшудаи мақомоти шаҳрдорӣ дар робита ба таври шоиста пешвоз гирифтани ҷашни 25-умин солгарди Истиқлолияти давлатии Тоҷикистон баррасӣ шуд.
Тавре ба «Азия-Плюс» як манбаъ аз шаҳрдории пойтахт дар ин робита иттилоъ дод, зимни машварат М.Убайдуллоев дастур додааст, ки ҷараёни иҷрои барномаи ҳукумати шаҳр дар бораи шинонидани 1 млн. гулҳои лолаи голландӣ дар боғу хиёбон ва гулгаштҳои Душанбе таҳти назорати қатъӣ гирифта шавад.
Раиси пойтахт таваҷҷуҳи хадамоти дахлдор ва раисони ноҳияҳои пойтахтро ба тақвияти тадбирҳои назорати санитарӣ дар шаҳр ва саривақт берун бурдани партовҳои маишӣ аз шаҳр ҷалб намудааст.
Ҳамчунин М.Убайдуллоев дастур додааст, ки ҷиҳати ҷалби кадрҳои ҷавон ба вазифаҳои роҳбарӣ дар тамоми соҳаҳои ҳаёти пойтахт тадбирҳои муассиср андешида, дар ҳамин ҳол ба раҳбарияти Раёсати тандурустии шаҳр дастур дода шудааст, ки то 15 феврал сардухтурони бемористон ва дармонгоҳҳоеро, ки ба синнусоли нафақа расидаанд, ботантана ба истироҳати шоиста гусел намоянд.
Раиси пойтахт дар масъалаи таъмини бозорҳои шаҳр бо маҳсулоти мавриди ниёзи аввалия ва пешгирии болоравии нарх ба онҳо дастуру супоришҳои мушаххас додааст. Директори КВД «Бозори Саховат» Давлат Саидов аз мансабаш барканор шудааст.
Ҳамчунин раиси пойтахт аз ҳамаи ҳозирин риояи қатъии ҷараёни амалисозии Нақшаи генералии шаҳрро тақозо намуда, дар ин робита зикр кардааст, ки дар ҷойи бозори фурӯши автомашинаҳо дар маҳаллаи Гипрозем варзишгоҳи муосири футбол бо 25 ҳазор ҷойи нишаст сохта мешавад.
Ғайр аз ин, қайд шудааст, ки боғи фарҳангу истироҳати «Дӯстии халқҳо» навсозӣ шуда, дар ҷои бозорҳои амалкунандаи «Ганҷина» ва «Панҷшер» маҷмааи меъмории «Истиқлолият» қомат меафрозад ва боғи ҳайвонот ба қаламрави беруни шаҳр бароварда шуда, дар маҳаллаи Зарафшон дар қаламрави 2,5 гектар маркази «Меҳри модар» бо кӯдакистони муосир бунёд мегардад.
Бонки миллӣ бори дуюм аз оғози сол меъёри бозтамвилро паст кард
Аввал расид, баъд шаҳодатномаи хатм? Шикоят аз ҳуҷҷатсупории иҷборӣ ба Маркази миллии тестӣ
Президенти БАТР бо сафари дурӯза ба Душанбе меояд
“Бегуноҳ аст”. Додгоҳҳои Тоҷикистон давоми 5 сол чанд ҳукми сафедкунанда содир кардаанд?
Амрико барои нигоҳдорӣ ва ҳифзи Панҷакенти куҳан беш аз $186 ҳазор ҷудо кард
Супоридани имтиҳони забони русӣ барои муҳоҷирон сангинтар мешавад
Дар бозӣ барои ҷойи сеюм низ бахти футзалистони тоҷик дар пеналти омад накард
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Кулли ахбор
Авторизуйтесь, пожалуйста