Дар Тоҷикистон ба муносибати ҷашни Ғалаба дар Ҷанги Бузурги Ватанӣ аксияи бузургмиқёси «Лентаи георгиевӣ» (Георгиевская ленточка) баргузор намешавад.
Имсол дар Тоҷикистон тақсими лентаҳои георгиевӣ маҳдуд аст. Онҳоро асосан бо дархости дастаҷамъона муассисаҳои таълимӣ мегиранд, хабар доданд аз Россотрудничество дар Душанбе.
Касоне, ки шахсан хоҳишманди ба даст овардани ин лента мебошанд, метавонанд мустақиман ба Россотрудничество муроҷиат кунанд.
Дар ҳамин ҳол, дар шаҳрҳои гуногуни Тоҷикистон тавассути ҷамъияти русҳо, ташкилотҳои собиқадорон ва муассисаҳои таълимӣ лентаҳои георгиевӣ тақсим мешаванд.
Масалан, фаъолони ҷамъияти русҳо дар шаҳри Турсунзода хабар доданд, ки ба миқдори начандон зиёд лентаҳо гирифта, айни замон ба тақсими он машғуланд. Шӯрои собиқадорони ҷанги Афғонистони ин шаҳр ҳоло лента нагирифта, лекин изҳор намуданд, ки дар ҷашни Рӯзи Ғалаба фаъолона иштирок мекунанд.
Бо раҳпаймоии «Полки ҷовидон» чӣ мешавад?
Дар шабакаҳои иҷтимоӣ одамон аз минтақаҳои гуногуни Тоҷикистон хоҳиши иштирок крадан дар аксияи «Полки ҷовидон»-ро изҳор мекунанд.
Айни замон мавқеи ҳукуматдорон ба баргузор намудани аксияи «Полки ҷовидон» номаълум аст. Собиқадорони ҷангу меҳнат ба ҳукуматдорон бо дархости иҷозаи баргузории ин раҳпаймоӣ муроҷиат карда, вале то ҳол посух нагирифтаанд.
Соли гузашта бо вуҷуди иҷозаи расмӣ надоштан ба баргузории раҳпаймоӣ, ба ҳар ҳол он доир гардид.
Манъи раҳпаймоии «Полки ҷовидион»-ро дар соли гузашта ҳукуматдорони Тоҷикистон чунин шарҳ дода буданд, ки дар нақшаи чорабиниҳои ҷашни Рӯзи Ғалаба он ҷой надошт. Ҳамчунин зикр гардида буд, ки «даргириҳо дар минтақаҳои наздисарҳадии Тоҷикистону Афғонистон ба баргузор намудани аксияҳои иловагӣ имкон намедиҳад ва илова бар ин, расму оинҳои исломӣ барои ба кӯча баромадан бо суратҳои шахсони фавтида иҷозат намедиҳад».
Қобили зикр аст, ки айни замон дар Тоҷикистон ҳамагӣ 345 нафар собиқадорони Ҷанги Бузурги Ватанӣ боқӣ мондаанд.
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Ба бофандагон, дӯзандагон, кулолгарон... Дар Суғд ба 60 зани ҳунарманд грант медиҳанд
Кулли ахбор
Авторизуйтесь, пожалуйста