Раиси Вилояти Мухтори Кӯҳистони Бадахшон Ёдгор Файзов ва ҳамсари ӯ ба гумони гирифторӣ ба сирояти коронавирус дар дармонгоҳи Оғо Хон дар шаҳри Хоруғ бистарӣ шудаанд.
Тавре ба “Азия-Плюс” котиби матбуотии раиси ВМКБ Ғолиб Ниятбеков хабар дод, тести ташхиси коронавируси аз онҳо гирифташуда, ба Душанбе фиристода шуда, лекин ҳоло посухи он нарасидааст.
“Табибон вазъи солимии раиси вилоятро муътадил арзёбӣ мекунанд. Ӯ табобати зиддивирусӣ мегирад”, - гуфт Ниятбеков ва илова намуд, ки ҳамсари Файзов шояд аз дармонгоҳ рухсатӣ шуда, зери муоинаи табибон дар хона муолиҷа гирад.
Ба қавли котиби матбуотӣ, Ёдгор Файзов тариқи телефон бо кормандони ҳукумат дар тамос буда, ҳамаи масъалаҳо низ ба ин васила бо ӯ мувофиқа мешаванд.
Қаблан дар шабакаҳои иҷтимоӣ хабар доданд, ки Ёдгор Файзов ба бемории Covid-19 гирифтор шудааст, лекин дар ҳукумати вилоят ин маълумотро рад карда, изҳор доштанд, ки ӯ дар кор қарор дошта, бемор нест.
Ниятбеков дар ин робита зикр кард, ки дарвоқеъ он замон раиси вилоят бемор набуда, дар ҷойи кориаш қарор дошт.
“Он замон Файзов бемор набуд ва мо дар шабакаҳои иҷтимоӣ дар ин бора хабар додем. Лекин баъди пайдо шудани аломатҳои вирус ӯ бистарӣ шуда, ба бемории коронавирус мубтало шудани раиси вилоят алҳол маълум нест. Натиҷаҳои ташхисро интизорем”, - илова кард Ниятбеков.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Варзишгардухтари тоҷик ба Бозиҳои олимпӣ роҳхат гирифт
Рӯзҳои ҷашни Наврӯз обуҳаво дар Тоҷикистон чӣ гуна мешавад?
Нархи Ҳаҷ-2024 маълум шуд. Замони сафар моҳи май аст
Дар мунтахаби олимпии Тоҷикистон 5 легионери нав бозӣ мекунанд
Оғози таътили баҳорӣ маълум шуд. Хонандагони мактаб дар Тоҷикистон чанд рӯз истироҳат мекунанд?
Директори почтаи Ваҳдат зиёда аз 160 ҳазор сомонӣ пули давлатро азхуд кардааст
Ҳукми абади 5 нафар барои куштори Шуҳрат Исматуллоев
Қоғазпораҳоро ба куҷо метавон супорид?
Таҷлили Наврӯз дар Душанбе ба таъхир афтод
Барои ҳаҷи ғайриқонунӣ муҷозот шадид гардид. Чӣ гуна метавон қонунӣ ба ҳаҷ рафт?
Кулли ахбор
Авторизуйтесь, пожалуйста