Маҳмудҷон Дадобоев, яке аз бунёдгузорони чандин шабакаи телевизиони мустақил дар шимолии Тоҷикистон, рӯзи 29-уми октябр дар синни 52 солагӣ, аз олам даргузашт. Маросими видоъ бо ӯ имрӯз соати 10:00 дар манзили истиқоматияш, ҷамоати Ёваи ноҳияи Бобоҷон Ғафуров доир мегардад.
Рустам Ҳоҷибоев, яке аз пайвандони наздик ба Маҳмудҷон Дадобоев дар сӯҳбат ба “Азия-Плюс” гуфт, ки вай ҳафтае қабл аз ҳарорати баланди бадан азият мекашид ва аз ин рӯ дар беморхонаи касалиҳои сироятии шаҳри Хуҷанд бистарӣ гардида буд. Вай мегӯяд марги нобаҳангом аҳли пайвандони рӯзноманигорро сахт андӯҳгин сохтааст.
Маҳмудҷон Дадобоев аз соли 1993 то 1995 хабарнигори ТВ "Ҷаҳоноро", 1996-1997 сармуҳаррири "ТВ-7" ва дар солҳои 1997-2003 роҳбарии "Ширкати телевизион ва радиошунавонии СМ-1" дар шаҳри Хуҷандро дар зимма дошт. Солҳои 2006-2007 намояндаи Анҷумани миллии расонаҳои мустақили Тоҷикистон (НАНСМИТ) дар вилояти Суғд ва солҳои 2007-2008 сармуҳаррири яке аз нахустин рӯзномаҳои мустақил дар шимолии Тоҷикистон бо ном "Суғд" буд. Аз моҳи августи 2008 то моҳи октябри соли 2012 мудири кули шабакаи телевизион ва родиоӣ "Ҷаҳоноро" буд.
Замони раиси шаҳри Хуҷанд будани раиси ҳозираи вилояти Суғд сухангӯйи раиси шаҳри Хуҷанд низ буд. Маҳмудҷон Дадобоевро ба унвони яке аз кормандони ҳирфаӣ дар бахши телевизион дар вилояти Суғд мешинохтанд.
Маҳмудҷон Дадобоев 27 ноябри соли 1968 дар шаҳри Хуҷанд таваллуд шудааст. Баъди анҷоми хидмати ҳарбӣ дар Нерӯҳои мусаллаҳи Иттиҳоди Шуравӣ соли 1989 фаъолияти кориашро дар Иттиҳодияи истеҳсоли "Хуҷандатлас" оғоз карда буд.
Вай Аълочии матбуоти Ҷумҳурии Тоҷикистон, Аълочии телевизион ва радиои Ҷумҳурии Тоҷикистон мебошад.Оиладор, соҳиби чаҳор фарзанд мебошад.
Гуруҳи расонаҳои "Азия-Плюс" марги рӯзноманигори варзидаро барои ҷомеаи рӯзноманигории Тоҷикистон таслият мегӯяд ва ба хонаводаи марҳум дар ин мусибати азим сабру шикебойӣ мехоҳад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста