Фаридун Назаров, тоҷикписаре, ки соли 2008 ба ИМА рафта буд, мудири молии  Анҷумани донишҷӯёну хатмкардаҳои донишгоҳи Ҳарвард шудааст.

 Тавре сомонаи “Салом Амрико” менависад, ӯ дар бахши таъмини манзил ба донишҷӯёну таҷрибаомӯзон таҷрибаи беш аз 10-сола дорад.

Аз мушкили манзил ва душвориҳои дигари берун аз шаҳраки донишҷӯён, ки муҳассилин ва муассисаҳои таълимӣ ҳамарӯза дучор меоянд, ба хубӣ огоҳ аст,-менависад ин манбаъ.

Ин пойгоҳ менависад, ки ӯ ҳанӯз соли 2008 барои таҳсил ба ИМА рафта буд ва ҳоло номзадаи дараҷаи ALM (барномаҳои мудирияти чархаи умр ) дар Донишгоҳи Ҳарвард мебошад.

Муаррифии Фаридун дар сойти донишгоҳи Ҳарвард

---

Гуфта мешавад,  ки Фаридун ба василаи сомонаи 4stay.com ва хидматҳои аутсорсингӣ (бурунсупорӣ) барои ҳал кардани ин мушкили донишҷӯёни донишгоҳу коллеҷҳо кӯмак мекунад.

Ҳамчунин, сомонаи “hesaelections.extension.harvard.edu”зимни муаррифии Фариддун Назаров аз забони худаш навиштааст, ки бо таъин шудан ба ин мақом мехоҳад дар ҳайати донишҷӯёни Анҷумани донишҷӯёну хатмкардаҳои донишгоҳи Ҳарвард (HESA) саҳм гузорад.

Ӯ гуфтааст, таҷрибаи 12-солаи роҳандозӣ ва мудирият ширкатҳои гуногунро дорад ва маҳз мудирияти молӣ яке аз масъулиятҳои ӯ аст.

Яке аз суханрониҳои Фаридун дар соли 2017 зимни муаррифии яке аз барномаҳои донишгоҳи Ҳарвард дар Донишгоҳи Кембриҷи Масачусетс:

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.