Имрӯз давраи асосии имтиҳонҳои дохилшавӣ ба мактабҳои миёнаи касбӣ ва донишгоҳу донишкадаҳо Тоҷикистон ба охир мерасад. Дар ин бора аз Маркази миллии тестии назди Президенти Тоҷикистон ба “Азия-Плюс” иттилоъ доданд.
Манбаъ гуфт, ки дар 47 муассисаи таълимии таҳсилоти миёнаи умумии 18 шаҳру ноҳияи ҷумҳурӣ нуқтаҳои имтиҳонсупорӣ ташкил шуда, довталабон аз 1 то 7 июли соли 2021 имтиҳон супориданд.
- Дар марҳалаи асосии имтиҳонҳо, 103429 нафар довталаб худро сабти ном карданд, ки аз инҳо 91504 нафарашон довталабони дорои таҳсилоти миёнаи умумӣ (синфи 11), ибтидоӣ ва миёнаи касбӣ ва 11925 нафари дигарашон хатмкардаҳои мактаби асосӣ (синфи 9) мебошанд,-иттилоъ дод манбаъ.
Манбаъи мо гуфт, ки раванди имтиҳонҳо аз ҳамаи марказҳои имтиҳонӣ тавассути камераҳои назоратӣ дар ҳолати бархат (онлайн) дар сӯйи Марказ пахш карда мешавад.
Гуфта мешавад, ки натиҷаҳои имтиҳонҳо (хол ва балҳои бадастовардаи ҳар яке аз довталабон ва ба озмуни тақсимот роҳ ёфтан ё наёфтани онҳо) 20‑уми июли соли ҷорӣ эълон мешавад.
“Азия плюс” аз яке аз нуқтаҳои имтиҳонсупорӣ, ки дар муассисаи таҳсилоти миёнаи рақами №71 шаҳри Панҷакент ташкил шуда буд, дидан кард. Тибқи иттилои масъулин дар ин нуқта 3875 нафар довталаб имтиҳон супоридаанд.
Соли дуюм аст, ки дар Тоҷикистон имтиҳоноти вурудӣ ба донишгоҳу донишкадаҳо дар шароити ҳамагирии вируси куруно баргузор мешаванд ва имтиҳонот таҳти шадобири шадиди беҳдоштӣ мегузаранд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста