Мақомоти маҳалии Кумитаи дин, танзими анъана ва ҷашну маросим дар вилояти Хатлон ба зарардидагони офатҳои табии дар ноҳияи Вахш манзили истиқоматӣ ва маблағ додаанд. Дар ин бора, Кумитаи дин, танзими анъана ва ҷашну маросим хабар медиҳад.
Манбаъ менависад, ки се манзили истиқоматӣ дар ноҳияи Вахш бо сарпарастии шуъба ва бахши дин, танзими анъана ва ҷашну маросими вилояти Хатлон ва ноҳияи Вахш дар ҳамкорӣ бо ходимони дини вилоят ба сокинони деҳаҳои Иттифоқ, Озодӣ ва Файзбахши ноҳияи Вахш - Наврӯзшоҳ Ҷамолов, Бобомурод Одинаев ва Каромат Розиқов тақдим шуд.
- Кормандони бахши дин, танзими анъана ва ҷашну маросими ноҳияи Абдураҳмони Ҷомӣ низ дар ҳамдастӣ бо ходимони дини ноҳия ду манзили истиқоматии сокинони деҳаи Навободи ноҳияи Вахшро сохта, ба истифода доданд, - менависад манбаъ.
Ба ғайр аз ин, ба сокинони зарардидаи деҳаи Навобод 53 ҳазор сомонӣ маводи озуқа кӯмак расонида шудааст.
Манбаъ, инчунин менависад, ки ходимони дини вилояти Суғд бо нишони ҳамдилӣ ҷиҳати бартараф кардани оқибатҳои офати табии дар ноҳияҳои Тоҷикободу Рашт ба маблағи 20 ҳазор сомонӣ ва ходимони дини шаҳри Кӯлоб ба зарардидагони ноҳияҳои мазкур беш аз 15 ҳазор сомонӣ кумак расониданд.
Ёдовар мешавем, ки дар ноҳияи Вахш бар асари обхезиву сел манзилҳои сокинон, заминҳои наздиҳавлаигӣ ва пули роҳҳои байни деҳаҳо зарар диданд.
Бино ба маълумоти ахири КҲФ Тоҷикистон, дар натиҷаи офати табиии рӯзи 11 май 9 нафар ҳалок шуданд. Аз селу обхезиҳо ҳадди ақалл 15 ноҳияи вилояти Хатлон ва навоҳии тобеи марказ осеб диданд.
Қаблан, раисиҷумҳури кишвар Эмомалӣ Раҳмон раиси ноҳияи Вахшро вазифадор намуда буд, ки ҳарчи зудтар манзилҳои истиқоматӣ ва дигар иншооти харобгардидаро барқарор намоянд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста