Аз Аҳмад Тоҳир ном шахсе ба идораи “Азия-Плюс” муроҷиатнома расид. Ӯ хабар медиҳад, ки қаблан роҳбари ташкилоти ҷомеаи шаҳрвандӣ ва мушовири Комиссияи мубориза ба маводи нашъаовари парлумони Афғонистон будааст. Мард аз номи гурезаҳои афғон, ки айни замон маҷбуранд аз толибон пинҳон шаванд ва гузаштани сарҳадро дархост доранд, муроҷиат кардааст.
“Ҳаёти мо зери хатари ҷиддист”
Ба гуфтаи ӯ, дар сарҳади Афғонистону Тоҷикистон байни ноҳияҳои Ишкошим ва Шуғнони музофоти Бадахшон паноҳандагон аз манотиқи гуногуни Афғонистон, аз ҷумла Кобул қарор доранд. Айни замон ҳудуди 160 оила, ки аз толибон пинҳон шудаанд, бо ӯ дар тамоси доимианд.
Аксари онҳо занони ҳомии ҳуқуқ, фаъолони ҷомеаи шаҳрвандӣ ва сарбозони сохторҳои амнияти миллии ҳукумати барканоршудаи Афғонистон мебошанд.
«Тақрибан 55 рӯз пеш гурезагон ба марзбонони тоҷик муроҷиат карда, онҳо гуфтанд, ки тибқи гуфтаҳои раисиҷумҳури Тоҷикистон амал мекунанд ва пас аз таҷлил аз Рӯзи истиқлолият ба афғонҳое, ки зери хатар қарор доранд, иҷозаи гузаштани сарҳадро медиҳанд. Лекин то ҳол аз онҳо дигар хабаре нест. Мо дархост мекунем, ки садои муҳоҷирон ба ҷомеаи байнулмилалӣ ва Тоҷикистон расонида шавад”, - омадааст дар муроҷиатнома.
Ӯ зикр мекунад, ки гурезаҳо дар ҳолати ниҳоят душвор қарор дошта, агар ба онҳо таваҷҷуҳ зоҳир нашавад, бисёре аз кӯдакон бар асари шамолхӯрӣ фавтида метавонанд. Миёни гурезаҳо занони ҳомиладор низ ҳастанд, ки ҳолаташон на он қадр қаноатбахш аст.
“Чанд рӯз пеш кӯдаке сахт бемор шуд. Толибон иҷозат надоданд, ки ӯро ба бемористон баранд. Дар ниҳояти кор падараш маҷбур шуд ӯро ба Кобул барад, аммо дар роҳ вафот кард, - менависад Аҳмад Тоҳир. - Агар мо, ки дар ин ҷо ҳастему ба Кобул биравем ва аз ҷониби Толибон ва дигар гурӯҳҳои террористӣ кушта шавем, беҳтар аст, ки дар ин ҷо худкушӣ кунем", чунин аст суханони афроди дар сарҳад ба дом афтода".
Ба гуфтаи Тоҳир,ки ӯ ҳам аз ҷумлаи гурезаҳост, барои эмин нигоҳ доштани ҷони худ онҳо маҷбуранд, ки пинҳон шаванд.
"Дар ин ҷо Толибон одамонро бераҳмона таъқиб мекунанд ва мехоҳанд намояндагони ҷомеаи шаҳрвандӣ, ҳомиёни ҳуқуқи башар ва сарбозони ҳукумати собиқи Афғонистонро ба қатл расонанд. Лутфан, агар тавонед, ба мо кумак кунед, зеро ҳаёти мо зери хатари ҷиддист”, - навиштааст ӯ.
Хадамоти марзбонӣ: “Дар сарҳад тинҷиву оромист”
Аз Хадамоти марзбонии Тоҷикистон ба “Азия-Плюс” хабар доданд, ки аз сокинони Афғонистон ба ин монанд муроҷиатномае ба онҳо нарасидааст.
“Ягона ҳодисае буд, ки ду-се моҳ пеш хизматчинёни ҳарбии ҳукумати барканоршудаи Афғонистон дархост намуданд, ки ба онҳо долон дода шавад, лекин байни онҳо аҳолии осоишта набуд”, - гуфтанд дар хадамот.
Ба гуфтаи ин манбаъ, дар ҳоли ҳозир дар марзи Афғонистону Тоҷикистон ҳама чиз зоҳиран ором аст, мардум ба таври маъмулӣ зиндагӣ дошта, кӯдакон ба мактаб мераванд ва тирпарронӣ нест.
“Агар гурезаҳо дар чунин ҳолат қарор медоштанд, ин кайҳо дар YouTube нашр мешуд. Ва агар ба мо чунин маълумот мерасид, онро бе таваҷҷуҳ намегузоштем”, - изҳор доштанд дар Хадамоти марзбонӣ.
“Азия-Плюс” талош варзид, ки аз Вазорати корҳои хориҷии Тоҷикистон дар мавриди ин масъала шарҳ дастрас намояд, лекин ягон телефони ин вазорат, аз ҷумла телефони хадамоти матбуот ба зангҳо ҷавоб намедиҳад.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Норак Дэвид Кэмеронро бо чӣ мафтун кард?
Байни Тоҷикистону Италия 7 санади ҳамкорӣ ба имзо расид
Тавофуқи Тоҷикистону Ӯзбекистон доир ба гузариши транзитии мошинҳои боркаш бе рухсатнома
Кулли ахбор
Авторизуйтесь, пожалуйста