Шаби гузашта наҷотдиҳандагони Кумитаи ҳолатҳои фвақулодаи Тоҷикистон, ки дар корҳои ҷустуҷӯ дар минтақаҳои аз заминларза осебдидаи Туркия иштирок карданд, ба ватан баргаштанд.

Дар фурудгоҳи Душанбе имдодгаронро намояндагони ҳукумат, КҲФ, сафири Туркия дар Тоҷикистон, пайвандону наздикони онҳо ва фаъолони ҷомеаи шаҳрвандӣ пешвоз гирифтанд.

Сурат: сафорати Туркия дар ҶТ

Ёдрас мекунем, ки гурӯҳи наҷотдиҳандагон ва кормандони тиббии Кумитаи ҳолатҳои фавқулодаи ҷумҳурӣ рӯзи 9 феврал ба Туркия раҳсипор шуданд.

Кори имдодгарони тоҷик дар минтақаи бештар осебдидаи Қаҳрамонмаръаш оғоз гардида, сипас онҳоро ба қитъаи дигар - Хатой сафарбар карданд.

Наҷотдиҳандагони тоҷик ҳангоми кор дар Қаҳрамонмаръаш
Сурат: КҲФ Тоҷикистон
Дар давоми кор имдодгарони тоҷик 3 нафарро зинда наҷот дода, 217 ҷасади фавтидагонро аз зери харобаҳо берун оварданд.

Дар ҷараёни корҳо президенти Туркия Раҷаб Тайип Эпрдуғон ва вазири мудофаи миллии ин кишвар Хулуси Аскар боа наҷотдиҳандагони тоҷик вохӯрда, ба онҳо изҳори миннатдорӣ карданд. Маросими гусели наҷотдиҳандагони тоҷик дар фурудгоҳи Туркия

Дар ҳамин ҳол, теъдоди ҳалокшудагон бар асари заминларза дар Туркия ва Сурия то 49 ҳазор нафар расид.

Дар Telegram, Facebook, Instagram, OK ва ВК бо мо бимонед.