Дар интернет мо бо маводҳое дучор меоем, ки бо сарлавҳаҳои дурахшон, ҷаззобу риққатовар ва суратҳои ҷолиб моро «маҷбур мекунанд» ба сомонаю саҳифаҳои гуногун ворид шавем. Инро «Кликбейт» мегӯянд.
Ҳадафҳои кликбейт
Ҳадафи кликбейт ба даст овардани даромад аз онлайн - реклама буда, сифат ва саҳеҳияти иттилоот ба назар гирифта намешавад.
Дар баъзе ҳолатҳо даромад ҳадафи асосӣ набуда, кликбейт ҳамчун воситаи осони зиёд кардани шумораи хонандагони сомона ва ё ташвиқу паҳнкунии маводи алоҳида дар интернет, алахусус шабакаҳои иҷтимоӣ, истифода мешавад.
Кликбейт инчунин метавонад ҳамчун воситаи паҳн кардани нармафзорҳои зараровар хидмат кунад.
Аломатҳои тавсифии кликбейт:
- сарлавҳаи ҳавасмандкунанда, аммо моҳияти иттилоот номаълум;
- ибораҳои намоишӣ (“ана ин”, “ин” “инҳо”) барои эҷоди ҳисси муколама бо хонанда;
- бо хонанда ба "ту" муроҷиат карда мешавад;
- истифода аз қолабҳое, ки хонандаро водор ба хондан ё клик ба сомона мекунад - "Шумо бовар намекунед!", "Шумо ҳеҷ гоҳ нафаҳмидаед ..." ва ғайра;
- истифодаи ғайримақсадноки нуқтаҳо, аломатҳои савол ва хитоб;
- фаровонии тавсифҳои иғроқӣ;
- дар сарлавҳа ҷой додани воҳидҳои фразеологӣ, ибораҳо аз нутқи ҳамарӯза ё кӯчагӣ;
- ҷумлаҳои ноқис, ки одатан эҳсоси тааҷуб ё лаззатро медиҳанд;
- истифодаи расмҳои ҷолиб ё ҳайратангезу шоккунанда;
- маълумотномаҳои бардурӯғ оид ба марг ё мусибате, ки гӯё бо шахси маъруф рух додаанд;
- ваъдаи фоида: пулҳои осон, молҳои бепул ё ғайриоддӣ, пасандозҳои калон;
- ваъдаи ифшои сирри махфӣ, ки донистани он манфиати муайяне медиҳад…
Барои ба доми кликбейт наафтодан ин маслиҳатҳоро иҷро кунед:
1) сарлавҳаҳо ва тавсифҳоро бодиққат хонед, баҳо диҳед, ки мундариҷа ба интизориҳо мувофиқат мекунад ё на.
2) Сарлавҳаҳои ҳассос ва ваъдаи даромади осонро нодида гиред.
3) Манбаи иттилоотро санҷед.
4) Ба суроғаи сомона ва домен диққат диҳед.
5) Аз ақли солим истифода баред ва ба итилооти шубҳаовар назари интиқодӣ дошта бошед.
Бохабар бошед ва ба доми кликбейт наафтед!
Барнома дар доираи лоиҳаи «Пойдорӣ ва ҳамкорӣ бо иттилооти гуногуншакл барои муҳити рушдкунанда» (REVIVE) бо дастгирии молиявии Иттиҳоди Аврупо омода шудааст.
Дар робита ба таҷлили Иди ғалаба ва Рӯзи ваҳдати миллӣ реҷаи корӣ тағйир меёбад
20 сол чашминтизори шавҳари муҳоҷир. Чаро Марҳаборо “Зани оҳанӣ” мегӯянд?
Ифтитоҳи парвандаи ҷиноятӣ бар зидди як мансабдори ҳукумати Исфара
Даҳбеди Самарқанд: Аз пайравии нақшбандия то се мавҷи муҳоҷират
Эмомалӣ Раҳмон: “Аз ҳамкорӣ бо БАТР умедвориҳои калон дорем”
“Русия бояд уҳдадориҳояшро иҷро кунад!”. Як созмони ҷаҳонӣ ва ҳуқуқшиносони тоҷик шиканҷаи гумонбарони “Крокус”-ро маҳкум карданд
Нигаронии ҷиддӣ аз нақзи ҳуқуқ ва озодиҳои тоҷикон. Тоҷикистон ба сафири Русия нотаи эътирозӣ супорид
Бонки исломии рушд барои сохтмони НБО Роғун 150 миллион доллар ҷудо кард
Дар Тоҷикистон 25 собиқадори Ҷанги Бузурги Ватанӣ боқӣ мондаанд
Бонки миллӣ бори дуюм аз оғози сол меъёри бозтамвилро паст кард
Кулли ахбор
Авторизуйтесь, пожалуйста