Бунёди 4 хона барои зарардидагони садамаи мудҳиши нақлиётӣ дар Кӯлоб ду рӯз пеш, 19-уми август оғоз гардид ва онҳоро мақомоти давлатӣ, соҳибкорон ва имомхатибон месозанд. Дар ин бора Мунавваршо Ташрифзода, муовини аввали шаҳрдори Кӯлоб ба “Азия-Плюс” иттилоъ дод.
Ба қавли Мунавваршо Ташрифзода, макони бунёди хонаҳо бо зарардидагон мувофиқа шудааст.
“Барои ин оилаҳо дар ҷамоати деҳоти Кӯлоб, маҳаллаи Дӯстӣ замин ҷудо шуд ва корҳои сохтмонии хонаҳо оғоз гардиданд. Як хона аз ҳисоби ҳукумати вилоят, як хона аз ҳисоби ҳукумати шаҳри Кӯлоб, як хона аз ҳисоби соҳибкорон сохта мешавад. Як хонаи дигарро имомхатибони масҷидҳои шаҳри Кӯлоб месозанд”, - гуфт Мунавваршо Ташрифзода.
Қаблан масъулин гуфта буданд, ки хонаҳои валангоргардида аз ҷониби ҳукумати шаҳри Кӯлоб ва ҳукумати вилояти Хатлон аз нав бунёд карда мешаванд.
Мунаваршо Ташрифзода гуфт, ки “ду рӯзи пеш Давлаталӣ Саид, раиси вилоят аз рафти корҳои сохтмонӣ боздид карда, ба масъулони сохтмон супориш дод, то корҳои сохтмониро саривақт ва босифат ба анҷом расонанд, зеро фасли тирамоҳ наздик шуда истодааст”.
Ба гуфтаи Ташрифзода, инчунин раиси вилоят ба оилаҳои зарардида “сабру таҳаммул хоста”, гуфтааст, ки “ҳеҷ вақт худро танҳо ҳис накунед, зеро давлату ҳукумат ба ҳар як сокини Тоҷикистон ғамхорӣ зоҳир мекунад”.
Гуфтан ба маврид аст, ки аз ин пештар раисиҷумҳури Тоҷикистон Эмомалӣ Раҳмон ба оилаи 11 нафар фавтидагон 20 ҳазор сомонӣ ва ба оилаи 12 нафари дигар захмиён 7 ҳазор сомонӣ кӯмакпулӣ дода буд.
Ҳамчунин, раисиҷумҳур ба 9 нафаре, ки дар пайи садамаи мошини боркаши “Дулан” воситаҳои нақлиёташон хароб гардид, мошинҳои ҳамсони нав ҳадя кард.
Ёдовар мешавем, ки дар пайи садамаи нақлиётии мошини боркаши “Дулан”, ки шоми 6-уми август дар назди бозори “Сомониён”-и шаҳри Кӯлоб рух дод, 12 нафар ҷон бохта, беш аз 10 нафари дигар ҷароҳат бардоштанд.
Ҳамчунин, 9 мошин аз кор баромада ва 3 хона валангор шуд. Гузориши муфассали моро дар ин ҷо бихонед.
Дар робита ба таҷлили Иди ғалаба ва Рӯзи ваҳдати миллӣ реҷаи корӣ тағйир меёбад
20 сол чашминтизори шавҳари муҳоҷир. Чаро Марҳаборо “Зани оҳанӣ” мегӯянд?
Ифтитоҳи парвандаи ҷиноятӣ бар зидди як мансабдори ҳукумати Исфара
Даҳбеди Самарқанд: Аз пайравии нақшбандия то се мавҷи муҳоҷират
Эмомалӣ Раҳмон: “Аз ҳамкорӣ бо БАТР умедвориҳои калон дорем”
“Русия бояд уҳдадориҳояшро иҷро кунад!”. Як созмони ҷаҳонӣ ва ҳуқуқшиносони тоҷик шиканҷаи гумонбарони “Крокус”-ро маҳкум карданд
Нигаронии ҷиддӣ аз нақзи ҳуқуқ ва озодиҳои тоҷикон. Тоҷикистон ба сафири Русия нотаи эътирозӣ супорид
Бонки исломии рушд барои сохтмони НБО Роғун 150 миллион доллар ҷудо кард
Дар Тоҷикистон 25 собиқадори Ҷанги Бузурги Ватанӣ боқӣ мондаанд
Бонки миллӣ бори дуюм аз оғози сол меъёри бозтамвилро паст кард
Кулли ахбор
Авторизуйтесь, пожалуйста