Як ҳайати Толибон бо ҳайати Амрико рӯзи шанбе дар Давҳа мулоқот ва гуфтугӯ кардааст. Ин ҳайатҳо дар робита ба гаштугузори ҳавопаймоҳои бесарнишини амрикоӣ дар ҳарими ҳавоии Афғонистон, ҳамлаи ҳавоии Амрико дар моҳи август, ки гурӯҳи Толибон онро нақзи тавофуқномаи Давҳа медонад ва амалисозии он, маҳдудиятҳои бонкӣ ва интиқоли бархе аз дороиҳои Афғонистон ба Шветсия, гуфтугӯй кардаанд. Дар ин бора Тулуънюз бо такя ба манобеъи худ хабар медиҳад.
Ин хабаргузорӣ афзудааст, ки ҳайати Толибонро намояндагони риёсати истихборот ва вазорати дифоъу хориҷа намояндагӣ мекарданд ва ҳамчунон, ҳайати Амрико аз намояндаи хоси Кохи сафед барои Афғонистон ва намояндагони вазоратҳои дифоъ, хориҷа ва истихбороти он кишвар иборат буданд.
Пас аз ҳамлам ҳавопаймоҳои бесарнишини Амрико дар 31 июл дар Кобул ва иддаои Вашингтон дар бораи кушта шудани Айман аз-Завоҳирӣ, раҳбари шабакаи Ал-қоида*, ин нахустин бор аст, ки мақомҳои ИМА ва Толибон бо ҳам мулоқот мекунанд.
Тулуънюз бо истинод ба Воҳид Фақирӣ, коршиноси равобити байнулмилалӣ навиштааст, ки Амрико хоҳони таомул бо Толибон аст.
Мақомҳои Толибон то кунун ин дидорро таъйид ва ё рад накардаанд.
Ёдовар мешавем, ки аз ғасби ҳокимяти Афғонистон аз тарафи Толибон беш аз як сол гузашта, аммо то ҳол ҳеҷ давлат ё созмоне ҳукумати онҳоро ба расмият нашинохтааст. Толибон то ҳол натавонистаанд хостаҳои ҷомеаи ҷаҳониро дар самти ташкили ҳукумати ҳамашумул, риояи ҳуқуқи инсон ва бунёди давлати қонунмеҳвар бароварда кунанд.
*Дар Тоҷикистон гурӯҳи террористӣ эътироф шудааст.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Заволи пиряхҳо” – филми мустанад оид ба хатари обшавии пиряхҳои Тоҷикистон
Бидуни журнали анъанавӣ. Дар кадом мактабҳои Душанбе истифодаи журнали электронӣ ҷорӣ шудааст?
Artel. Бузургтарин фабрикаи истеҳсоли техникаи маишӣ чӣ тавр фаъолият мекунад?
Дар Донишгоҳи миллии Тоҷикистон Стипендия ба номи Соҳиб Табаров таъсис дода шуд
Китоби “Тоҷикон”-ро нагирифтед? Аз ҳукуматҳои маҳаллӣ пурсед!
Корхонаи коркарди нафти Данғара шарик ва ашёи хом барои коркард меёбад?
“Аудиокитоб” бо Субҳон Ҷалилов. Маснавии маънавӣ. Ҳикояи “Тарсутар аз тарсу”
Далер Назаров ҷоизаи давлатӣ гирифт
Эмомалӣ Раҳмон бо сафари корӣ ба Суғд меравад. Кадом роҳҳои вилоят баста мешавад?
Дар Қирғизистон “Толибон”-ро махфиёна аз рӯйхати созмонҳои террористӣ хориҷ карданд
Кулли ахбор
Авторизуйтесь, пожалуйста