Шоми дирӯз, 11-уми июн хонаи падарии Муҳаммад Зоҳир Ағбар, сафири ҳукумати пешини Афғонистон дар Тоҷикистон дар вилояти Панҷшер ба коми оташ рафтааст. Сафир иддао дорад, ки “ин ҳодиса кори дасти Толибон* аст”.
Зоҳири Ағбар дар саҳифаи фейсбуки худ навишт, “Толибон бояд бидонанд, ки хонаҳоро сӯзондан мумкин аст, аммо рӯҳи муқовимат бо зулм ва терроризм пойдор мемонад”.
“Рӯҳияи муқовимат алайҳи зулм ва террори Толибон тағйирнопазир аст”, - таъкид мекунад Муҳаммад Зоҳир Ағбар.
Ӯ ҳамчунин мегӯяд, ки “хонаи тамоми мардуми Афғонистон ҳоло дар оташи ҷаҳолат ва зулм фурӯзон аст”.
Хонаи Муҳаммад Зоҳир Ағбар дар Панҷшер шоми дирӯз оташ гирифт ва навор он ба шабакаҳои иҷтимоӣ роҳ ёфт.
Ба иттилои рӯзномаи “8-и субҳ”, пас аз ғасби қудрат аз сӯи Толибон, дар ин манзил намояндагони онҳо зиндагӣ мекардаанд.
Ҳарчанд Толибон масъулияти сӯхтор дар манзили ин мансабдори собиқи давлатиро бар ӯҳда нагирифтаанд, аммо манобеи “8-и субҳ” гуфтаанд, ки “Толибон аз ин манзил ҳамчун пойгоҳи низомӣ истифода мекарданд”.
“То ҳол ангеза ва омилони ин сӯхтор маълум нест, вале сокинони маҳаллӣ ҳам мегӯянд, ин кори дасти Толибон аст”, - менависад рӯзномаи “8-и субҳ”.
Ба гуфтаи ин манбаъ, хонаи Ағбар се ошёна буда, ду ошёнааш сӯхтааст.
Зоҳир Ағбар сафири ҳукумати пешини Афғонистон дар Тоҷикистон аст, ки аз сӯи ҳукумати қаблӣ ба ин мақом таъйин шуда буд. Ӯ ҳамчунин, ба унвони ҷонибдори "Ҷабҳаи Муқовимати милии Афғонистон", ҷунбиши мусаллаҳона алайҳи Толибон* маъруф аст.
Бояд гуфт, ки қаблан китобхонаи шахсии Фазл Аҳмад, вазири адлияи ҳукумати пешини Афғонистон ба коми оташ рафта буд. Он вақт Толибон ҳодисаро “тасодуфӣ ва бар асари беэҳтиётӣ” унвон карда буданд.
Рӯзномаи “8-и субҳ” ёдовар мешавад, ки пештар биноҳои мактаб ва шӯъбаи маорифи Панҷшер ҳам сӯхта буданд ва омили ин оташсӯзиҳоро то ба ҳол касе ба ӯҳда нагирифтааст.
*Дар Тоҷикистон гурӯҳи террористӣ эътироф шудааст.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Марказҳои тестии Русия дигар аз муҳоҷирон имтиҳон қабул намекунанд. Акнун дар куҷо ва чӣ хел онро бояд супорид?
Нақшаи даъвати ҳарбӣ 70% иҷро шуд. “Облава” аз байн рафт?
Дар Суғд куҳансолтарин дарахтонро рӯйхат мекунанд
Тамокукашӣ ва вазни зиёдатӣ: чӣ гуна бо одатҳои бад метавон аз саратон пешгирӣ кард?
Даст ба ҷайби мардум? Ва ё чаро ҳизбҳои сиёсӣ набояд аз буҷети давлат маблағгузорӣ шаванд?
Бонки миллии Тоҷикистон ва Бонки марказии Ӯзбекистон созишномаи ҳамкорӣ ба имзо расониданд
Кулли ахбор
Авторизуйтесь, пожалуйста