Дар гузориши Бонки ҷаҳонӣ доир ба иқтисоди Тоҷикистон гуфта мешавад, аксари корхонаҳои бузург бо шарикии давлат дар Тоҷикистон камдаромад ва зиёноваранд, ки ин барои суботи молиявии кишвар хатарҳои ҷиддии молиявӣ эҷод мекунад.
Қарзи умумии 27 корхона бо саҳми давлат, ки фаъолияти онҳо зери назорати Вазорати молияи кишвар қарор дорад, дар аввали соли 2024 ба 60,8 млрд сомонӣ (зиёда аз 5,5 млрд доллар) расидааст. Ин нишондиҳанда, мувофиқи маълумоти Бонки ҷаҳонӣ, ба 46,5% ММД-и соли гузашта баробар аст.
Дар садри рӯйхати бузургтарин қарздорон ҶСК "Барқи Тоҷик" қарор дорад. Қарзи умумии ин корхона бо назардошти қарзҳо барои лоиҳаҳои энергетикӣ, беш аз 37,4 млрд сомонӣ (тақрибан 3,4 млрд доллар)-ро ташкил медиҳад.
Пас бозсозии сохтори ШСХК "Барқи Тоҷик" ду ширкати мустақил таъсис дода шуданд: ҶСК "Шабакаҳои интиқоли барқ" ва ҶСК "Шабакаҳои тақсимоти барқ", ки мутаносибан ба интиқол ва тақсими нерӯи барқ ба истеъмолкунандагони ниҳоӣ машғуланд. Ҳамаи қарзҳои ҷамъшудаи пешинаи холдинг дар тавозуни акнун ҶСК "Барқи Тоҷик", ки баъди бозсозии сохтор танҳо ба истеҳсоли нерӯи барқ машғул аст, боқӣ монданд.
Дар ҷои дуюми рӯйхати бузургтарин қарздорон ҶСК "НБО Роғун" қарор дорад, ки қарзаш ба 9,3 млрд сомонӣ (тақрибан 850 млн доллар) баробар аст.
Миёни дигар қарздорони нисбатан бузург дар гузориши Бонки ҷаҳонӣ ҶСК “Ширкати алюминии тоҷик”, КВД “Роҳи оҳани Тоҷикистон” ва ҶСК “Тоҷиктрансгаз” зикр шудаанд, ки дар охири соли 2023 қарзи умумии онҳо 2,3 млрд сомонӣ (ҳудуди 210 млн доллар)-ро ташкил медиҳад.
Дар замима ба гузориши Бонки ҷаҳонӣ рӯйхати 27 корхонаи давлатии бузурги Тоҷикистон зикр шудааст, ки зери назорати Вазораи молияи Тоҷикистон қарор доранд. Ба ҷуз корхонаҳои зикршда, дар он корхонаҳои зерин ҳам ҳастанд:
ҶСК «Фурудгоҳи байнулмилалии Душанбе»
ҶСК «Тоҷик Эйр»
КВД «Тоҷикаэронавигатсия»
ҶСК «Фурудгоҳи байнулмилалии Хуҷанд»
ҶСК «Фурудгоҳи байнулмилалии Кӯлоб»
КВД «Ангишти Тоҷик»
«Алюмин Сохтмон»
КВД «Сементи Тоҷик»
ҶСК «Телерадиоком»
КВД «Хоҷагии манзилию коммуналӣ»
КВД «Тоҷиксуғурта»
КВД «Обу корези Хуҷанд»
КВД «Бақайдгирии амволи ғайриманқул ва моликият»
КВД «Обу корези Душанбе»
БДА «Амонатбонк»
ҶСШК «Тоҷикхимпром»
ҶСК «Тоҷиктелеком»
КМ «Апрелевка»
ҶСК «НБО Сангтӯда-1»
КВД БССТ «Саноатсодиротбонк»
КВД «Фулузоти нодири Тоҷикистон»
КМ «Зарафшон»
Руcский