Сарони кишварҳо, вакилони парлумон ва аъзои ҳукуматҳои Тоҷикистону Қирғизистон оромона масъалаҳои қитъаҳои баҳсиро дар сарҳади ҳарду кишвар баррасӣ мекунанд, лекин мушкилот ҳал намешавад.
“Як гурӯҳи алоҳидаи шаҳрвандон, бахусус шаҳрвандони кишвари ҳамсоя дар ин масъала ба гапи касе гӯш намедиҳанд, ба назари онҳо, бо сангпартоӣ сӯи ҳамдигар масъала ҳал мешавад”, - изҳор дошт ба “Азия-Плюс” раиси Кумитаи мудофиа ва амнияти палатаи поёнии парлумони Тоҷикистон генерал майор, доктори илмҳои ҳуқуқшиносӣ Ҷӯрахон Маҷидзода.
Вакил мутмаин аст, ки ҳар як муноқиша дар сарҳади давлатӣ мушкилотро боз бештар душвор ва печида месозад.
“Агар Тоҷикистону Қирғизистон қаблан саривақт саркардагони бетартибиҳоро дар сарҳад ба ҷавобгарӣ мекашиданд, имрӯз он ҷо орому амн мебуд. Беамалии ҳукуматдорон, бахусус дар қаламравҳои ҳаамарз бо Тоҷикистони Қирғизистон, дар чанде аз шаҳрвандон ҳисси беҷазоиро ба вуҷуд меорад”, - қайд кард вакил.
Зимнан изҳори итминон шуд, ки айни замон Тоҷикистону Қирғизистон бояд қатъиян тавофуқҳои қаблан ҳосилшударо дар ин масъала риоя намоянд ва ҳамзамон ба кори таъйин ва аломатгузорӣ дар сарҳад суръат бахшанд.
Баъди муноқишаи нимаи моҳи март дар сарҳади байни Тоҷикистон ва Қирғизистон ҷонибҳо изҳор дошта буданд, ки гурӯҳи муштараки тафишотӣ таъсис дода шуда, гунаҳкорони ташкили бетартибиҳо муҷозот мешаванд, лекин то ҳол дар бораи ҷазо гирифтани касе дар робита ба ин масъала маълумоте дастрас нашудааст.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Норак Дэвид Кэмеронро бо чӣ мафтун кард?
Байни Тоҷикистону Италия 7 санади ҳамкорӣ ба имзо расид
Тавофуқи Тоҷикистону Ӯзбекистон доир ба гузариши транзитии мошинҳои боркаш бе рухсатнома
“Эҳтимоли хуруҷи беморӣ зиёд аст”. Кумитаи рушди сайёҳӣ аз ширкатҳои сайёҳӣ хост, ҷаҳонгардонро ба Саратоғ набаранд
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Кулли ахбор
Авторизуйтесь, пожалуйста