Паҳлавонони тоҷик дар мусобиқаи қаҳрамонии Осиё оид ба гуштии озод дар шаҳри Остонаи Қазоқистон як медали нуқра ва як медали биринҷӣ ба даст оварданд.
Бино ба иттилои сомонаи расмии Кумитаи миллии олимпии Тоҷикистон, Сомиршо Воҳидов дар рақобатҳо дар вазни то 70 килограмм баъди ду пирӯзӣ бар рақибонаш Кен Ҳосака аз Ҷопон ва Кумар Амит Дакар аз Ҳиндустон ба даври ниҳоӣ роҳ ёфта, вале дар даври ниҳоӣ аз Мустафо Ҳусайнхонӣ аз Эрон шикаст хӯрдааст. Ҳамин тариқ, ӯ мақоми дувумро касб карда, ба мекдали биринҷии мусобиқот сазовор гардид.
Ба иттилои манбаъ, паҳлавони маъруфи тоҷик Искандари Рустам дар вазни 97 кг медали биринҷӣ ба даст оварда, лекин шаш намояндаи дигари Тоҷикистон -- Вайсиддин Ибодов, (57кг), Николай Ноев (61кг), Зелимхон Юсуфов (65кг),Азамат Сӯфиев (74 кг), Салим Хоҷаев (86 кг) ва Фарҳод Анақулов (120 кг) дар намуди гӯштии озод аз идомаи мубориза барои медалҳои мусобиқот маҳрум шуданд.
Гуфта мешавад, дар ин мусобиқаи қитъавӣ дар пойтахти Қазоқистон беш аз 200 варзишгар дар намудҳои гӯштии озод, гӯштии фарангӣ ё юнониву румӣ ва гӯштии занона ширкат доранд. Ба ҳайати мунтахаби Тоҷикистон 16 варзишгар дохиланд.
Ҳашт нафари дигар дар намуди гӯштии юнониву румӣ рӯзҳои 26-27-уми апрел рақобат хоҳанд кард. Рӯзи шанбе мусобиқа дар вазнҳои 59, 71 ва 85 кг, рӯзи якшанбе дар панҷ вазни боқимонда - 66, 75, 80, 98 ва 130 - баргузор мешавад.
Дар ҳисоби дастаӣ дар намуди гӯштии озод мунтахаби Эрон дар ҷойи аввал, дастаи Муғулистон дар ҷойи дувум ва тими мизбон - Қазоқистон - дар ҷойи севум қарор гирифтаанд.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста