Нимаи дуюми рӯзи 22юми июл дар толори хурди мақомоти иҷроияи ҳокимияти давлатии вилояти Суғд бо иштироки Раиси вилоят Абдураҳмон Қодирӣ конференсияи ғайринавбатии интихобии Федератсияи футболи вилоят баргузор гашт.
Бино ба иттилои хадамоти матбуоти раиси вилояти Суғд, дар кори он раисони шаҳру навоҳии вилоят, намояндагони Раёсати ҷавонон, варзиш ва сайёҳии вилоят ва аъзоёни Федератсияи футболи вилоят ширкат варзиданд.
Ба иттилои манбаъ, дар конфронс асосан ду масъала интихоби раис ва муовини ФФС мавриди баррасӣ қарор гирифт. Дар рафти ҷаласа тариқи овоздиҳӣ Раиси вилояти Суғд Абдураҳмон Қодирӣ ҳамзамон Раиси ФФС интихоб гардид. 55 нафар иштирокчиёни конфронс, ки ҳуқуқи овоздиҳӣ доранд ҳама номзадии роҳбари вилоятро ба ин вазифа ҷонибдорӣ намуданд. Ҳамчунин Рустам Марофиев - муовини раиси ФФС интихоб гардид. Федратси футболи вилояти Суғд соли 1992 таъсис дода шуд.
Қобили зикр аст, ки аз соли 2013 инҷониб чемпионати вилояти Суғд мақоми лигаи якумро гирифт ва айни замон дар он 12 даста иштирок менамояд. Ҳамчунин дар лигаи олии кишвар се дастаи вилоят “Хуҷанд” - и шаҳри Хуҷанд, “Далерон-Уротеппа” – и шаҳри Иставрашан ва “Парвоз” - и ноҳияи Бобоҷон Ғафуров ҳунарнамоӣ доранд.
Ҳамчунин бо мақсади ҷалби ҳарчӣ бештари сокинон ба варзиш ва ноил гаштани онҳо ба натиҷаҳои назаррас дар вилоят барои 48 нафар варзишгарони беҳтарин идрорпулии Раиси вилоят таъсис дода шудааст.
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Кулли ахбор
Авторизуйтесь, пожалуйста