Дар ҷаласаи Кумитаи иҷроияи Федратсияи футболи Тоҷикистон (ФФТ) раиси Федератсияи футболи шаҳри Душанбе Дилшод Ҷӯраев ноиби президенти ФФТ интихоб шуд, ки интихоби ӯ дар конфронси навбатии Федератсия бояд тасдиқ карда шавад.

Бино ба маълумоти сомонаи расмии ФФТ, Дилшод Ҷӯраев дар навбати худ барои боварӣ ба раҳбарияти Федератсия арзи сипос намуда, изҳори умедворӣ кард, ки дар ҳамдастӣ бо дастгоҳи ФФТ баҳри ноил гардидан ба дастовардҳои назаррас талош хоҳад варзид.

Дар ин ҷаласа аъзои Кумитаи иҷроия огаҳ карда шуданд, ки бо қарори раиси ФФТ Рустами Эмомалӣ, иҷрои вазифаҳои дабири кулли Федератсия ба дӯши ноиби аввали президенти Федератсия Хуршед Мирзоев вогузор карда мешаванд.

Дар ҷаласа ҳамчунин сохтори нави Федератсия тасдиқ шуда, ба аъзои Кумитаи иҷроия оид ба нақшаҳои ситоди нави мураббиёни тими мунтахаби футболи Тоҷикистон бобати беҳбуди натиҷаҳо дар мусобиқаҳои марҳилаи интихобии Чемпионати ҷаҳон-2018 маълумот дода шуд.