Қаҳрамони навбатии лоиҳаи "Тоҷикистон, ба пеш!" Аҳтам Назаров - капитани мунтахаби Тоҷикистон оид ба футбол аст.
Муҳаббати ӯ ба футбол бо номҳои бузург алоқамандӣ дорад.
«Соли 1998, вақте бозии Зинедин Зиданро дар мунтахаби Фаронса дидам, хеле мутаассир шудам. Дигар кумири ман Роналдо буд. Ман ҳамеша дар кӯча футбол бозӣ мекардам ва вақте яке аз мураббиён бозии маро дид, пешниҳод кард, ки бо ӯ тамрин кунам», - мегӯяд футболбоз.
Клубҳои зиёдеро иваз кард, аммо, ба гуфтааш, ӯро дастаи “Истиқлол” футболбози ҳақиқӣ кард. Дар ин роҳ ба душвориҳои зиёде дучор шуда, сарбаландона онҳоро бартараф мекард.
«Вақте ки ҷароҳат мегирӣ - масалан, ман ҷароҳати вазнини зону доштам – хеле фикрҳои гуногуне ба сар меояд: оё метавонӣ фаъолиятро идома диҳӣ ва агар на, пас ояндаат чӣ мешавад? Дар чунин лаҳзаҳо ҳолати рӯҳии ту муҳим аст – худро дилпур мекунӣ: ту метавонӣ ин мушкилиро паси сар кунӣ, ҳама чиз мешавад!», - қисса мекунад футболбоз.
Аҳтам боз кадом душвориҳоро аз сар гузаронд, чӣ гуна онҳоро паси сар кард - дар гузориши мо қиссаи ӯро бубинед.
Дар доираи лоиҳаи «Тоҷикистон, ба пеш!» дар бораи варзишгарони номдори ҷумҳурӣ, инчунин дар бораи онҳое, ки ба ояндаи пуршарафи варзиши тоҷик умед мебахшанд, қисса мекунем. Ҳамаи онҳо ифтихори кишваранд ва ба онҳо нигариста мо хитоб мекунем: Тоҷикистон, ба пеш!
Сарпарасти кулли лоиҳаи “Тоҷикистон ба пеш!” ширкати букмекерии 1XBET мебошад.
Бо промо-коди BAPESH дар сомонаи шарики мо сабти ном кунед ва дар пасандози аввалини худ то 1430 сомонӣ бонус гиред!
Руcский