Федератсияи байналмилалии ҷудо Муллораҷаб Халифаев ва Ҷаҳонгир Маҷидов, ду ҷудокори шинохтаи тоҷикро барои қайди нодурусти шаҳрвандӣ дар системаи ин федератсия, муҷозот ва тамоми холҳои бадастовардаи онҳоро бекор кардааст.
Аз Федератсияи ҷудои Тоҷикистон иттилои мазкурро тасдиқ карданд ва гуфтанд, ки дар робита ба ин масъала аз ҷониби Федератсияи байналмилалии ҷудо мактуби расмӣ дарёфт карданд ва ҳоло дар пайи бартараф кардани он ҳастанд.
Манбаъи мо аз ин федератсия гуфт, ин ҷазо барои қайди душаҳрвандӣ дар системаи Федератсияи байналмилалии ҷудо ба Муллораҷаб Халифаев ва Ҷаҳонгир Маҷидов дода шудааст.
“Муллораҷаб Халифаев, ки як муддат аз номи Русия баромад мекард, дар системаи Федератсияи байналмилалии ҷудо худро аз номи ин кишвар сабт кардааст. Баъдан аз номи Тоҷикистон баромад кард ва баъди нигаронии Русия ин федератсия ӯро муҷозот намуд”, - гуфтанд аз Федератсияи ҷудои Тоҷикистон.
Аз ин ниҳод афзуданд, ки Ҷаҳонгир Маҷидов, низ бо чунин сабаб муҷозот гардид:
“Ӯ, ки чанд вақт аз номи Озорбойҷон баромад мекард, дар система аз номи ин кишвар қайд шудааст. Вале баъдан аз номи Тоҷикистон баромад кард ва ҳамин тариқ, дар система номаълум монд”, - гуфтанд аз ин ниҳод.
Манбаъи мо афзуд, инҷо танҳо хатои техникӣ дар системаи қайди Федератсияи байналмилалии ҷудо аст ва онҳо кӯшиш карда истодаанд, ки ин масъаларо дар наздиктарин фурсат ҳал кунанд.
Бояд гуфт, ки чанде пештар Рустами Эмомалӣ, шаҳрдори Душанбе ба Муллораҷаб Халифаев барои сазовор гардидан ба ҷои дуюм ва гирифтани медали нуқраи Тоскулоҳи бузурги “Baku Grand Slam 2022” 100 ҳазор сомонӣ тақдим карда буд.
Халифаев Муллораҷаб мувофиқи радабандии Федератсияи ҷудои Тоҷикистон дар зинаи 10-ум ҷой дорад. Мувофиқи радабандии Федератсияи ҷудои Тоҷикистон Ҷаҳонгир Маҷидов дар зинаи 4-ум қарор дорад.
Ёдовар мешавем, дар радабандии ҷаҳонии ҷудо дар маҷмӯъ 172 кишвар намояндагӣ мекунанд ва Тоҷикистон дар раддабандии дар ҷои 41-ум қарор дорад.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста