Юсуф Абдусаламов, сармураббии дастаи мунтахаби гуштии озоди Тоҷикистон, бар хилофи овозаҳо, аз даста нарафтааст ва бо шогирдонаш фаъолияташро идома медиҳад. Дар ин бора ба “Азия-Плюс” ноиби президенти Федератсияи гуштии Тоҷикистон Насим Юсуфзода хабар дод.
Қаблан дар шабакаҳои иҷтимоӣ хабар паҳн шуд, ки Юсуф Абдусаламов аз мақомаш канор меравад.
Ба қавли Насим Юсуфзода, сармурабии тими миллӣ мушкилоти хонаводагӣ дошт.
“Дар ҳоли ҳозир ӯ ва аҳли оилааш маслиҳат доранд, ки корро дар Тоҷикистон идома мебидаҳд ё ба таври фосилавӣ”, - гуфт Насим Юсуфзода.
Ин масъули Федератсияи гуштии Тоҷикистон қазияро бештар шарҳ надод, аммо гуфт, “Федеросияи гуштии озод омода аст, мураббиро бо манзил таъмин кунад”.
Соли 2008, вақте Юсуф Абдусаламов зери парчами Тоҷикистон медали нуқраи олимпиро ба даст овард, аз мақомоти Тоҷикистон хост, ки ба ӯ манзил диҳанд.
Аммо ба варзишгар таваҷҷуҳи зарурӣ надоданд ва ӯ Тоҷикистонро тарк кард. Танҳо дар оғози соли 2023 намояндагони ҳайати нави Федератсияи гуштии Тоҷикистон бо ӯ тамос гирифта, ӯро ба вазифаи сармураббии тими миллӣ даъват карданд, ки Абдусаломов ба ин розӣ шуд.
Федератсия умедвор аст, ки мушкилиҳои мураббӣ ҳал хоҳад шуд ва ӯ паҳлавонони тоҷикро ба мусобиқоти байналмилалӣ омода мекунад.
Ифтитоҳи парвандаи ҷиноятӣ бар зидди як мансабдори ҳукумати Исфара
Даҳбеди Самарқанд: Аз пайравии нақшбандия то се мавҷи муҳоҷират
Эмомалӣ Раҳмон: “Аз ҳамкорӣ бо БАТР умедвориҳои калон дорем”
“Русия бояд уҳдадориҳояшро иҷро кунад!”. Як созмони ҷаҳонӣ ва ҳуқуқшиносони тоҷик шиканҷаи гумонбарони “Крокус”-ро маҳкум карданд
Нигаронии ҷиддӣ аз нақзи ҳуқуқ ва озодиҳои тоҷикон. Тоҷикистон ба сафири Русия нотаи эътирозӣ супорид
Бонки исломии рушд барои сохтмони НБО Роғун 150 миллион доллар ҷудо кард
Дар Тоҷикистон 25 собиқадори Ҷанги Бузурги Ватанӣ боқӣ мондаанд
Бонки миллӣ бори дуюм аз оғози сол меъёри бозтамвилро паст кард
Аввал расид, баъд шаҳодатномаи хатм? Шикоят аз ҳуҷҷатсупории иҷборӣ ба Маркази миллии тестӣ
Президенти БАТР бо сафари дурӯза ба Душанбе меояд
Кулли ахбор
Авторизуйтесь, пожалуйста