Дар Тоҷикистон барои баргузории аввалин Рӯзи ҷаҳонии футбол омода мешаванд. Тибқи иттилои аз мақомоти кишвар дастрасгирда, 25-уми май дар шаҳри Душанбе ва дигар манотиқи кишвар фестивали футбол баргузор мегардад. Дар чорабинии асосӣ, ки дар майдони “Истиқлол ва Озодӣ” баргузор мешавад, Рустами Эмомалӣ, шаҳрдори Душанбе ва президенти Федератсияи футболи Тоҷикистон иштирок мекунад.
Рӯзи ҷаҳонии футбол тибқи нақшаи Федератсияи футболи Тоҷикистон (ФФТ) тарҳрезӣ ва таҷлил мегардад.
Аз ФФТ ба “Азия – Плюс” гуфтанд, дар Душанбе чорабинии асосӣ дар Варзишгоҳи марказии ҷумҳуриявӣ гузаронида мешавад. Дар он 600 нафар кӯдакону наврасони аз 5 то 15-сола иштирок мекунанд.
“Дар варзишгоҳи марказӣ бо ҳузури Рустами Эмомалӣ, раиси шаҳри Душанбе ва президенти ФФТ ва иштироки наздики 20 ҳазор нафар намоиши футбол баргузор мегардад ва он аз соати 9‑и субҳ то 10 давом мекунад”, - иброз намуданд аз ФФТ.
Ба гуфтаи манбаъ, ҳамчунин дар майдони “Истиқлол ва Озодӣ” рӯзҳои 25‑26-уми май аз соати 16 то 22 чорабинӣ бахшида ба рӯзи футбол баргузор мешавад, ки тамошобинонро вохурӣ бо беҳтарин бозингарони кишвар, ҳунарнамоии ситораҳои эстрадаи тоҷик ва дигар чеҳраҳои шинохта интизор аст.
Дар умум, дар 12 шаҳру ноҳияҳо, аҳ ҷумла, Душанбе, Хуҷанд, Данғара, Турсунзода, Ҳисор, Кӯлоб, Хоруғ, Мурғоб, Ашт, Ҷалолиддини Балхӣ, Ёвон ва Рашт фестивали футбол баргузор мешавад, ки дар онҳо 5 ҳазор кӯдак иштирок менамоянд.
![](https://asiaplustj.info/sites/default/files/articles/337034/%D1%84%D1%83%D1%82%D0%B1%D0%BE%D0%BB%201.jpg)
Ба таъкиди масъулин, ин чорабиниҳо ба хотири таваҷҷуҳи бештари наврасон ба футбол баргузор мегардад ва дар пайи он, аз байни иштирокчиён дар шаҳру ноҳияҳо беҳтаринҳо интихоб шуда ба машқу тамрини футбол ҷалб мешаванд.
Ёдовар мешавем, ки бори нахуст, моҳи феврали соли равон Рустам Эмомалӣ, президенти Ассотсиатсияи футболи Осиёи Марказӣ (CAFA) ва президенти Федератсияи футболи Тоҷикистон ба СММ пешниҳод кард, нақши футбол дар сатҳи ҷаҳонӣ пазируфта шавад ва бо қабули қатъномаи махсуси Ассамблеяи генералии СММ расман 25‑уми май Рӯзи ҷаҳонии футбол эълон гардад. Рӯзи 7-уми май Ассамблеяи генералии СММ бо қабули қатънома, ин пешниҳодро пазируфт.
То 86 ҳазор сомонӣ ҷарима ё 2 соли зиндон. Ҷазо барои монеъ шудан ба таҳсили хонандагон сангин шуд
Ҳалокати 3 нафар дар пайи раъду барқ ва омадани сел дар як шабонарӯзи охир
Ҷазо барои ҷодугарӣ сангин шуд: то 144 ҳазор сомонӣ ҷарима ё 2 соли зиндон
Барқияи тасаллияти Эмомалӣ Раҳмон ба Владимир Путин дар робита ба амали террористӣ
Ҷазо барои таҷлили зодрӯзу тӯй ва маросими дафну зиёрати ҳоҷӣ сахттар шуд
Ҳалокати зани роҳрӯб зери чархи мошини Starex дар Душанбе
3:1: бурду бохти варзишгарони маъруфи тоҷик дар арсаи ҷаҳонӣ
Мотами миллӣ дар Доғистон. Дар ҳамла ба каниса ва калисое дар Доғистон 17 нафар кушта шуд
Харбузаи ширинро чӣ гуна метавон фарқ кард?
Ҳаҷ-2024: Аввалин гурӯҳи ҳоҷиён ба ватан баргаштанд
Кулли ахбор
Авторизуйтесь, пожалуйста