Тоҷикистон ба аҳолии аз сел осебдидаи Қазоқистон кумаки башардӯстона мефиристад. Вазни умумии кумак беш аз 3,5 ҳазор тоннаро ташкил медиҳад, хабар доданд ба “Азия-Плюс” аз Кумитаи ҳолатҳои фавқулода ва мудофиаи граждании Тоҷикистон.
Кумакҳои башардӯстона дар шакли маводи ғизоӣ, сару либос, лавозимоти тиббӣ, масолеҳи сохтмонӣ ва дигар колоҳои зарурӣ тавассути 61 вагони қатора ва 13 автомашина равон карда шуд.
“Кумаки башардӯстона чун тадбири фаврӣ омода гардида, аз шаҳри Душанбе тариқи қатора дар 50 вагони боркаш ва аз шаҳри Хуҷанд тавассути 11 вагону 13 мошини боркаш ба самти Ҷумҳурии Қазоқистон дар ҳузури намояндагони масъули Тоҷикистон ва Қазоқистон ба роҳ баромад”,- гуфтанд аз КҲФ.
Кумакҳоро Рустам Назарзода, раиси КҲФ ҳамроҳӣ мекунад ва пагоҳ, 20-уми апрел, дар шаҳри Сариагаши Қазоқистон ба масъулини ин кишвар месупорад.
![](https://asiaplustj.info/sites/default/files/articles/335951/Kumaki-Tochikiston-ba-Kazokiston-9-1.jpg)
Ёдовар мешавем, ки дар натиҷаи обхезӣ дар панҷ минтақаи Ҷумҳурии Қазоқистон 4870 бинои истиқоматии сокинони ин минтақаҳо зери об монда, ба иқтисодиёти ин кишвар хисороти зиёд расид.
Ҳоло дар минтақаи офатзада бартараф намудани оқибатҳои обхезӣ, инчунин тадбирҳои зидди обхезӣ ва корҳои наҷотдиҳии фаврӣ идома доранд.
Аз оғози обхезӣ 117 ҳазору 694 нафар, аз ҷумла 43 ҳазору 931 ҳазор кӯдакон наҷот дода шуданд. 6887 нафари дигар дар минтақаҳои обхезӣ боқӣ мондаанд.
Бар асари обхезӣ, ки моҳи март шурӯъ шуд, дар ҳашт минтақаи Қазоқистон вазъияти изтирории маҳаллӣ боқӣ мемонад. Дар амалиёти наҷот 44 ҳазор нафар, беш аз 4,6 ҳазор техника ва 18 ҳавопаймо ширкат доранд, хабар медиҳад ТАСС.
94% марзи Тоҷикистону Қирғизистон муайян шуд. Баъди 3 соли баста будан, сарҳади ду кишвар боз мешавад?
Ҷустуҷӯи ҷасади Рӯзигули 13-сола баъди 8 моҳи ғарқшавияш. Масъулин сабаби таъхири кофтуковро шарҳ доданд
Дар шаҳрдории пойтахт чӣ гуна мехоҳанд мушкили ифлосшавии кӯчаҳоро бартараф кунанд?
Вазири маориф: “Волидон ба истифодаи планшету телефон дар мактаб розӣ нашуданд”
“Ҳама иншооти сайёҳиро месанҷанд”. Нигаронии раиси Кумитаи рушди сайёҳӣ аз кам будани шаркатҳои сайёҳӣ
Раҳим Саидзода: Дар Тоҷикистон 2 ҳазору 670 омӯзгор намерасад
Киҳо аз ҳама зиёдтар аз истифодаи барқ қарздоранд?
Имрӯз дар Париж Бозиҳои олимпӣ оғоз мешавад
“Аудиокитоб” бо Субҳон Ҷалилов. Маснавии маънавӣ. Ҳикояи “Фаросати Луқмон”
Агентӣ: Имсол об барои обёрӣ дар Тоҷикистон камбуд намешавад
Кулли ахбор
Авторизуйтесь, пожалуйста