Дар шимоли Тоҷикистон як нафар барои ташкили фаъолияти ифротгароӣ муттаҳам ва барои 5 сол равонаи зиндон шудааст.
Додгоҳи шаҳри Хуҷанд Ҷамшед Аминов, сокини 46-солаи ин шаҳрро ба он гунаҳкор донистааст, ки “дар шабакаҳои иҷтимоӣ навору навиштаҳои хусусияти динидоштаро ҷонибдорӣ мекард”.
Шаҳриёр Искандарзода, додраси Додгоҳи вилояти Суғд бо тасдиқи ин хабар ба “Азия-Плюс” гуфт, ки Ҷамшед Аминов 15-уми август, мувофиқи моддаи 307, қисми 3-и Кодекси ҷиноятии Ҷумҳурии Тоҷикистон (Ташкили фаъолияти ташкилоти экстремистӣ (ифротгароӣ) айбдор дониста шуд.
Ҷамшед Аминов аз болои ҳукми додгоҳи шаҳри Хуҷанд шикоят кардааст, аммо додгоҳи вилояти Суғд баъди баррасии шикояти ӯ, 9-уми октябр ҳукмро бетағйир мондааст.
Шаҳриёр Искандарзода гуфт, Ҷамшед Амонов соли 2021 дар шабакаи иҷтимоии Фейсбук бо номи “Jamshed Aminov” саҳифа боз карда, то замони боздошт шудан аз он истифода кардааст.
Дар ҳукми Аминов зикр шудааст, ки ӯ аз саҳифаи шахсии худ дар шабакаи иҷтимоии Фейсбук ба даҳҳо гурӯҳи (номи чанд гурӯҳ зикр шудааст) мӯҳтавои динидошта обуна шуда, дар зери наворҳои динӣ, аз ҷумла мавъизаҳои шайхҳои арабтабор, ки бештар ба забони русӣ буданд, “лайк” гузоштааст ва онҳоро ба дӯстонаш фиристодааст.
Аммо маълум нест, ки ин гурӯҳҳо дар куҷо ифротиву мамнӯъ эълон шудааст, мӯҳтавои он чӣ гуна ташхис гардидааст, тамошову писандидани он ва ё ирсоли он ба дигарон хилофи қонун аст.
Назари худи маҳкумшуда ва наздиконаш ҳам оид ба иттиҳом ва ҳукм маълум нест.
Бояд гуфт, ки дар вилояти Суғд барои ҷонибдорӣ ва тарғиби ақидаҳои динӣ ҳамасола даҳҳо сокинон аз озодӣ маҳрум мешаванд ва ин омор тамоюли зиёдшавӣ дорад. Танҳо дар шаш моҳи имсол суди вилояти Суғд 110 парвандаи ҷиноятиро нисбати 130 нафар вобаста ба терроризм ва экстремизм баррасӣ кард, ки дар қиёс бо соли гузашта 39 адад зиёд аст.
НАВШУДА. Нависандаи халқии Тоҷикистон Мирзо Шакурзода даргузашт
Ҳам муаллиму ҳам хонанда дарсшиканӣ мекунанд. Мақомот аз тафтиши як таълимгоҳ ва ошкор шудани камбудиҳо хабар доданд
Дар моҳи сентябр Тоҷикистон аз содироти барқ 16,3 млн доллар даромад гирифт
Амалиёти “Нелегал-2024”. Зиёда аз 2 ҳазор муҳоҷир аз Русия хориҷ мешаванд
Дар Варзоб як ҷавони 26-сола мошини падарашро оташ зад
Идомаи имтиёзҳои андозӣ. Боз ба чанде аз корхонаҳои давлатӣ қарзҳояшон бахшида шуд
Иттиҳоми нав ва мӯҳри махфӣ дар парвандаи Аҳмади Иброҳим
Шоҳҷоиза ба “Моҳӣ дар шаст” дода шуд. Боз кадом филмҳо дар ҷашнвораи “Тоҷи Сомон” ҷоиза гирифтанд?
“Аудиокитоб” бо Субҳон Ҷалилов. Маснавии маънавӣ. Ҳикояи “Бино шудани кӯр ҳангоми қуръон хондан”
Исроил куштори Яҳё Синвор, роҳбари “Ҳамос”-ро тасдиқ кард
Кулли ахбор
Авторизуйтесь, пожалуйста