Душанбе. 10-уми июн. «Азия-Плюс» — | Дар кори мизи мудаввар таҳти унвони «Бозори маводи сӯзишвории Тоҷикистон: мушкилот ва роҳҳои ҳалли онҳо» сармутахассиси раёсати Вазорати рушди иқтисод ва савдои ҷумҳурӣ Бозоралӣ Бегматов изҳор дошт, ки ахиран дар Тоҷикистон тамоили афзоиши воридоти маҳсулоти нафтӣ аз Туркманистон ба мушоҳида мерасад.
Ба гуфтаи ӯ, агар моҳҳои январ-майи соли гузашта аз Туркманистон ҳамагӣ 1,2 ҳазор тонна маводи сӯзишворӣ ба Тоҷикистон ворид шуда бошад, пас дар ҳамин давраи соли равон он қариб 28 ҳазор тоннаро ташкил медиҳад. «Арзиши як тонна маводи сӯзишвории Туркманистон ба 943 ва Русия 936 доллари ИМА баробар аст», - гуфт ӯ.
Бегматов зикр намуд, ки моҳи майи соли ҷорӣ ба ҷумҳурӣ 35,1 ҳазор тонна маҳсулоти нафтӣ ворид гардид, ки 92,8% (32,5 ҳазор тонна) аз Русия ва 6% (2 ҳазор тонна) аз Туркманистон оварда шудааст.
Дар маҷмӯъ, моҳҳои январ-майи соли ҷорӣ ба Тоҷикистон ба маблағи умумии 200 млн. доллари ИМА 215 ҳазор тонна маҳсулоти нафтӣ ворид гардида, нархи миёна барои 1 тонна 920 доллари ИМА-ро ташкил додааст.
Бозоралӣ Бегматов гуфт, пас аз болоравии арзиши боҷи содиротии Русия ҳаҷми воридоти ҳама гуна маҳсулоти нафтӣ ба кишвар дар ҳоли коҳиш аст. «Дар муқоиса бо панҷ моҳи соли гузашта, соли равон воридоти маводи сӯзишворӣ ба ҷумҳурӣ ба андозаи 8,2% ё 19,3 ҳазор тонна кохиш ёфт», - афзуд ӯ.
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
Кулли ахбор
Авторизуйтесь, пожалуйста