Душанбе. 6-уми июл. «Азия-Плюс» — | Ҳаракати воситаҳои нақлиёт дар роҳи автомобилгарди хиёбони Рӯдакӣ (аз бурриши кӯчаи Карамов то бурриши кӯчаи Теҳрон) марҳила ба марҳила муваққатан қатъ карда мешавад. Аз ҷумла, аз 7 то 9 июл ҳаракати нақлиёт аз бурриши кӯчаи Карамов то гардиш ба кӯчаи С.Носир, аз 9 то 11 июл аз гардиши кӯчаи С.Носир то гардиш ба самти хиёбони И.Сомонӣ ва аз 11 то 13 июл аз гардиши хиёбони И.Сомонӣ то бурриши кӯчаи Теҳрон қатъ мегардад.
Тавре ба ОИ «Азия-Плюс» котиби матбуотии раиси шахри Душанбе Шавкат Саидов хабар дод, дар робита ба ин масъала Раиси шаҳри Душанбе Маҳмадсаид Убайдуллоев, , дар бораи чораҳо оид ба таъмини бехатарии ҳаракати нақлиёт дар хиёбони Рӯдакӣ бо сабаби гузаронидани корҳои таъмири роҳ қарореро ба тасвиб расонид.
Дар асоси ин қарор масъулину роҳбарони муассисаи давлатии коммуналии «Душанбенақлиётхадамотрасон», шӯъбаи Бозрасии давлатии автомобилии Раёсати корҳои дохилии шаҳри Душанбе ва Раёсати хадамоти давлатии назорат ва танзим дар соҳаи нақлиёти шаҳри Душанбе муваззаф шудаанд, ки самти ҳаракати нақлиёти мусофирбаро дар хиёбони Рӯдакӣ (аз бурриши кӯчаи Карамов то бурриши кӯчаи Теҳрон) мегузаранд ба кӯчаҳои ҳамшафат муайян намуда, дар нақшаҳои хатсайри воситаҳои нақлиёти мусофирбар тағйирот ворид намоянд.
Ҳамчунин Рвёсати корҳои дохилии шаҳри Душанбе муваззаф гардидааст, ки барои таъмини бехатарии ҳаракати нақлиёт дар кӯчаҳои ҳамшафат бо назардошти гузоштани аломатҳои роҳ ва таъмини ҳаракати шаҳрвандон чора андешанд.
Идомаи ҷанҷол дар ҲДТ. Усмонзода далелҳои иловагии худро ба Вазорати адлия пешниҳод кардааст
Маҳсулоти кишоварзии Тоҷикистон тозатарин дар ИДМ эътироф шуд
Як мард барои куштори ҳамзисташ 16 сол равонаи зиндон шуд
“Либоси миллиро бо меъёри шаръӣ пӯшед”. “Ҳимоят”-и муфтии Тоҷикистон аз тарҳи қонуни манъи "либоси бегона”
Қоҳир Расулзода бо рафти корҳои барқарорсозӣ дар ноҳияҳои Темурмалик ва Балҷувон шинос шуд
“Парвози ҳунар”. Таҷлили 70-солагии умр ва 50-соли фаъолияти эҷодии ҳунарпеша Бурхвалӣ Ғуломҳайдар
Дар роҳи “Душанбе-Чаноқ” ба равуои нақлиёти гаронвазн маҳдудият ҷорӣ шуд
Сафи муҳоҷирони корӣ аз Ӯзбекистон дар Русия сол то сол камтар мешавад
Даромади солона аз канали Қуштеппа дар Афғонистон 500 млн доллар арзёбӣ шуд
Дар роҳҳои Душанбе дурбинҳои худкор ва радарҳо фаъол мешаванд
Кулли ахбор
Авторизуйтесь, пожалуйста