Дар муқоиса бо соли гузашта соли равон воридоти ғайриқонунии маҳсулоти нафтӣ ба Тоҷикистон 54 млн. литр афзудааст. Дар зарфи 10 моҳи соли равон ба ҷумҳурӣ ғайриқонунӣ ва бидуни пардохтҳои гумрукӣ 57 млн. литр (350 ҳодиса) маҳсулоти нафтӣ ворид карда шудааст.
Тавре ба ОИ «Азия-Плюс» сардори маркази матбуоти Хадамоти гумруки назди ҳукумати ҶТ Абдураҳими Умариён хабар дод, интиқоли ғайриқонунии маҳсулоти нафтӣ аксаран тавассути марзи Тоҷикистону Қирғизистон сурат мегирад. Аз оғози сол дар ин ҷо аз 321 ҳодисаи қочоқи маҳсулоти нафтӣ ҷилавгирӣ шуда, 3 млн. литр маҳсулоти нафтӣ мусодира гардидааст.
Ба гуфтаи сухангӯйи Хадамоти гумрук, ба туфайли фаъолияти муассири гурӯҳҳои фаврии хадамот, ҳаҷми маводи сӯхти ғайриқонунӣ ба Тоҷикистон воридшуда коҳиш меёбад, вале шумори ҳодисаҳои қочоқ дар ҳоли афзоиш аст. «Инро сабаб он аст, ки одамон ба воридоти миқдори ками маводи сӯхт кӯшиш ба харҷ медиҳанд, то ки ноаён бошад, аз ин рӯ, ҳодисаҳои ба ин амал даст задан зиёд буда, ҳаҷм камтар аст», - шарҳ дод вай.
Ҳаҷми кунунии ғайриқонунӣ ворид намудани маҳсулоти нафтӣ нисбат ба ҳамин давраи соли гузашта бамаротиб зиёд аст. Ҳамин давраи соли гузашта 3,1 млн. литр маводи сӯхти тавассути қочоқ ба Тоҷикистон воридшуда (144 ҳодиса) ба қайд гирифта шуда буд.
Муовини сардори Раёсати мубориза бо қонуншиканиҳои гумрукии хадамоти гумруки назди ҳукумати ҶТ Қурбон Абдуназаров дар робита ба ин масъала мегӯяд, соли равон дар марзи Тоҷикистону Ӯзбекистон низ 14 ҳодисаи ғайриқонунӣ ба ҷумҳурӣ ворид кардани маҳсулоти нафтӣ ба қайд гирифта шуда, дар натиҷа 53,5 млн. литр маводи сӯхт мусодира гардидааст.
Далелҳои нахустини қочоқи маҳсулоти нафтӣ дар марзи Тоҷикистону Қирғизистон моҳи майи соли 2010, пас аз болоравии боҷи содиротии маҳсулоти нафтии Русия ба Тоҷикистон ба мушоҳида расиданд. То ин замон чунин омор оид ба қочоқ дар марзи Тоҷикистону Қирғизистон вуҷуд надошт.
Соли 2010 39 ҳодисаи қочоқи маводи сӯхт аз Қирғизистон ба Тоҷикистон ба қайд гирифта шуда, соли 2011 бошад, шумори онҳо ба 144 ҳодиса расидааст. Дар ҳамин ҳол, соли 2010 – 13,7 млн. ва соли 2011 – 3,1 млн. литр маводи сӯзишворӣ мусодира гардида буд.
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Як додраси тоҷик ба гирифтани қариб 129 ҳазор сомонӣ пора муттаҳам дониста мешавад
Нақшаи даъвати баҳорӣ 90% иҷро шуд. Кадом вилоятҳо нақшаро комил карданд?
Кулли ахбор
Авторизуйтесь, пожалуйста