Дар Тоҷикистон камбуди семент ба мушоҳида мерасад. Бузургтарин корхонаи истеҳсолкунандаи ин масолеҳи сохтмон – «Тоҷиксемент» имрӯз бо камтар аз 20%-и иқтидори истеҳсолии худ фаъолият мекунад.
Бино ба маълумоти Вазорати энергетика ва саноати ҷумҳурӣ, ҳаҷми камбуд тақрибан 600-700 ҳазор тонна дар як солро ташкил медиҳад. Феълан талаботи ҷумҳурӣ ба семент 1,5 млн. тонна аст.
Дар вазорати мазкур зикр карданд, ки корхонаҳои истеҳсоли сементи Тоҷикистон ба иллати мушкилоти таъминот бо сӯзишворӣ ба қонеъ сохтани ин талабот қодир нестанд ва маҳз бо сабаби ҷой доштани мушкилот дар интиқоли гази табиӣ ва гарон будани он, «Тоҷиксемент» ҳаҷми истеҳсолотро коҳиш додаст.
Ба ҷуз камбуди семент, болоравии қимати он низ ба мушоҳида расида, дар муқоиса бо ҳамин давраи соли гузашта қимати як тонна сементи истеҳсоли маҳаллӣ ба ҳисоби миёна ба миқдори 50 сомонӣ афзудааст ва имрӯз нархи он то ба 950 - 1 ҳазор сомонӣ мерасад.
Тибқи маълумоти Хадамоти гумруки назди ҳукумати ҶТ, дар зарфи 10 моҳи соли равон ба Тоҷикистон ба маблағи 70 млн. доллари ИМА беш аз 783 тонна семент ворид гардидааст, ки нисбат ба ҳамин давраи соли гузашта 182 ҳазор тонна зиёдтар аст.
«Соли равон ба ҷумҳурӣ аз Покистон – 250 ҳазор, Афғонистон – 177 ҳазор, Қазоқистон – 113 ҳазор ва Эрон – 129 ҳазор тонна семент ворид карда шуд. Соли гузашта ҳиссаи асосии воридоти ин масолеҳи сохтмон ба Тоҷикистон ба Афғонистон (214,3 ҳазор тонна) мансуб буд», - гуфтанд дар Хадамоти гумрук.
Бино ба маълумоти Вазорати энергетика ва саноати ҷумҳурӣ, ҳаҷми солонаи итеҳсоли семент дар Тоҷикистион аз 400 ҳазор тонна зиёд нест. Дар робита ба афзоиши ҳаҷми корҳои сохтмонӣ дар кишвар, ба нақша гирифта шудааст, ки то соли 2015 истеҳсоли семент дар дар Тоҷикистон то ба 2,5 млн. тонна расонида шавад.
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Як додраси тоҷик ба гирифтани қариб 129 ҳазор сомонӣ пора муттаҳам дониста мешавад
Кулли ахбор
Авторизуйтесь, пожалуйста