Муҳлати истифодаи нерӯгоҳи Сангтӯда-2 барои Эронро Тоҷикистон боз 2 сол дароз карда, акнун пас аз гузашти 14,5 сол нерӯгоҳ пурра ба ихтиёри Тоҷикистон мегузарад. Дар ин бора ба «Азия-Плюс» ваколатдори муваққатии умури Эрон дар Тоҷикистон Сайидмаҳмуди Садрӣ хабар дод.
Мавриди ёдоварист, ки тибқи қарордоди қаблӣ, даромад аз фаъолияти нерӯгоҳи Сангтӯда-2 муддати 12,5 сол ба ихтиёри Эрон вогузор гардида буд. Сайидмаҳмуди Садрӣ зикр кард, ки дар робита ба қодир набудани Тоҷикистон ба пардохти маблағ, тавофуқ ҳосил шудааст, ки муҳлати дар ихтиёри Эрон қарор доштани нерӯгоҳ ба манфиати Эрон дарозтар карда шавад.
Тавре аз манбаъҳои муътамад ба «Азия-Плюс» дар ин робита иттилоъ доданд, санадҳо дар ин хусус ҳанӯз зимни сафари президенти Эрон Ҳасани Рӯҳонӣ ба Тоҷикистон санаи 10-уми сентябр ба имзо расида буданд.
Қобили зикр аст, ки фаъолияти ҶСК «НБО Сангтӯда-2» моҳи марти соли ҷорӣ қатъ шуда, моҳи апрел дубора барқарор шуд ва коршиносон бар ин назаранд, ки маҳз дароз шудани муҳлати ба ихтиёри Эрон вогузоштани даромад аз кори нерӯгоҳ ба ин боис гардидааст.
Дар ҳамин ҳол, Сайидмаҳмуди Садрӣ мегӯяд, айни замон қарзи ширкати «Барқи тоҷик» ба нерӯгоҳи Сангтӯда-2 40 млн. доллари ИМА-ро ташкил медиҳад.
Сохтмони нерӯгоҳи «Сангтӯда-2» 20-уми феврали соли 2006 расман оғоз гардид. Нерӯгоҳи Сангтӯда-2 лоиҳаи муштараки Эрону Тоҷикистон буда, ҳиссаи Тоҷикистон дар он 40 млн. $ ва ҳиссаи Эрон 180 млн. $-ро ташкил медиҳад.
Майдони сохтмони нерӯгоҳи барқии Сангтӯда-2 дар 120 километрии ҷанубу шарқи Душанбе воқеъ аст. Акнун даромади 14,5 соли аввали кори он ба ихтиёри Эрон вогузор хоҳад шуд. Пас аз ин нерӯгоҳ пурра ба ихтиёри Тоҷикистон мегузарад. Нерӯгоҳ аз ду агрегат иборат аст, ки иқтидори ҳар кадоме ба 110 МВт баробар аст. Бо фаъол шудани агрегати дуюми нерӯгоҳ иқтидори он 220 МВт-ро ташкил хоҳад дод.
Мансаби нави Шодӣ Ҳафиззода ва исми сардорони нави раёсатҳои ВКД дар Суғду Рашт. Боз киҳо мансаб гирифтанд?
Шоҳрух Саидзода сардори Раёсати ВКД дар шаҳри Душанбе таъин шудааст
Ҳар як кӯдаки сеюм дар Тоҷикистон ба серӣ хӯрок намехӯрад
Дар як рӯз ду навраси дигар дар об ғарқ шуданд. Тавсияҳои КҲФ дар мавсими оббозӣ
Душанбе то моҳи сентябри соли оянда пурра ба электромобил мегузарад
Шӯрои олимпии Осиё барои сохтмони майдони варзиши сабук дар Душанбе 1,5 млн сомонӣ медиҳад
Аз Урдун шикаст хӯрд. Тоҷикистон имкони роҳ ёфтан ба Ҷоми Ҷаҳон-2026-ро аз даст дод
Идомаи ҷанҷол дар ҲДТ. Усмонзода далелҳои иловагии худро ба Вазорати адлия пешниҳод кардааст
Маҳсулоти кишоварзии Тоҷикистон тозатарин дар ИДМ эътироф шуд
Як мард барои куштори ҳамзисташ 16 сол равонаи зиндон шуд
Кулли ахбор
Авторизуйтесь, пожалуйста